As xornadas “O Futuro das Persoas Viticultoras na Ribeira Sacra” entra na súa recta final con charlas e conferencias que reflexionan sobre a situación da Denominación de Orixe Ribeira Sacra, e a Lei da Cadea Alimentaria.
As xornadas comezaron o pasado 29 de agosto, e percorreron distintos puntos da comarca.
Lugo, 4 de setembro de 2025. O Sindicato Labrego Galego-Comisións Labregas (SLG-CCLL), en colaboración coa Vicepresidencia da Deputación de Lugo, poñemos o peche esta semana a xornada de charlas e ciclo de conferencias iniciadas o pasado 29 de agosto. Estas xornadas teñen como obxectivo analizar a situación da vendima deste 2025 na Ribeira Sacra, e reflexionar sobre o futuro do sector.
Hoxe, xoves 4 de setembro, ás 19:00 h, na Casa da Cultura de Sober, desenvolveremos unha das charlas sobre a situación da vendima deste 2025 na Denominación de Orixe Ribeira Sacra.
Mañá, venres 5 de setembro, ás 12:00 h, no Centro do Viño da Ribeira Sacra situado en Monforte de Lemos, falaremos de como lle afecta ao sector vitivinícola a Lei da Cadea Alimentaria. Na Denominación de Orixe Ribeira Sacra, a Lei da Cadea Alimentaria segue sendo unha descoñecida e temos detectado incumprimentos de todo tipo que, ademais, non se denuncian: impagos, incumprimento de prazos, incumprimentos dos requisitos que figuran no contrato, etc, . Para falar deste tema, teremos a Oliva Lorenzo Grandía: traballadora en Lugo no Control de Prácticas Comerciais Desleais da Consellería de Medio Rural que coñece de primeira man a D.O Ribeira Sacra e a súa situación.
Para rematar este ciclo, o sábado 6 de setembro estaremos en Taboada na Casa da Cultura, ás 12:00 horas.
As xornadas serven para informar e dar voz ao sector. A intención das mesmas é compartir cos viticultores e viticultoras a información recollida polo Sindicato Labrego a través do Consello Regulador e das adegas, achegar datos de primeira man sobre a Lei da Cadea Alimentaria e, ao mesmo tempo, escoitar directamente como perciben as persoas viticultoras a situación actual do sector.
As xornadas pendentes son as seguintes:
– Sober: Xoves, 4 de setembro, ás 19:00 h – Casa da Cultura
– Taboada: Sábado, 6 de setembro, ás 12:00 h – Casa da Cultur
– Monforte de Lemos: Venres, 5 de setembro, ás 12:00 h – Centro do Viño da Ribeira Sacra“Lei de Cadea Alimentaria aplicada ao sector vitivinícola: contratos, prezos e incumprimentos”, a cargo de Oliva Lorenzo Grandía, Control de Prácticas Comerciais Desleais da Consellería de Medio Rural en Lugo.
16 Mar 2026
14 Mar 2026
13 Mar 2026
12 Mar 2026
11 Mar 2026
10 Mar 2026