O SLG e COAG organizan o xoves 27 de xaneiro unha xornada formativa sobre a nova PAC no Restaurante Samaná de A Estrada (Rúa Gradín, 45, 36680) no horario de 11h30 a 14h30 e de 15h30 a 17h30. De balde e inclúe xantar. A formación estará impartida por Lucas Lastra e Andrés Castro e está dirixida a persoas traballadoras, autónomas e desempregadas. As persoas que estean interesadas en asistir poden inscribirse nos contactos 986 573 232 e aestrada@sindicatolabrego.gal. Actividade financiada polo Ministerio de Agricultura, Pesca y Alimentación (MAPA).

O martes 29 de outubro (de 11h a 14h e de 15:30h a 17:30h) organizamos unha xornada gratuíta sobre a PAC no Edificio Sociocultural da rúa Manuel Riveiro, en Lalín. O curso estará impartido por Andrés Castro e INCLÚE XANTAR. Se é do teu interese inscríbete nos contactos 699 924 630 e lalin@sindicatolabrego.gal. A actividade conta co financiamento do Ministerio de Agricultura, Pesca y Alimentación (MAPA).

O sábado 26 de outubro, de 11h a 14h e de 15:30h a 17:30h, organizamos a xornada gratuíta Políticas Agrarias e Territorio: A PAC actual, a reforma do 2025 e a nova PAC, en Melide, na Sala de Conferencias do Edificio Multiusos. Inclúe xantar.

Para máis información e inscricións contactar no número 609 100 922 ou no correo derural@sindicatolabrego.gal

Programación:

11:00 - Modificación da PAC para o ano 2025: que hai das promesas do Ministerio e da Unión Europea (Ana M. Rodríguez Vázquez - Sindicato Labrego Galego )

11:45 - Do diálogo estratéxico sobre o futuro da agricultura da UE á futura PAC 2028. Proposta de modificación do Regulamento OCM (Organización Común de Mercados) (Andoni García Arriola - Membro do Comité Coordinador da Vía Campesina Europa e da Executiva de COAG)

12:45 - Debate sobre a PAC que queremos

14:00 - Xantar

15:30 - Como prexudica o Decreto de Nutrición Sostible e a BCAM 10 da PAC ás granxas de gando vacún galegas e porque debería derrogarse (Juan Castro Insua - Investigador no Centro Agrario de Mabegondo)

Actividade financiada polo Ministerio de Agricultura, Pesca y Alimentación (MAPA)