Na utilización de produtos fitosanitarios debemos actuar coa máxima prudencia, non só á hora de aplicalos, senón noutras fases da súa manipulación nas que adoitamos a ser menos precavidos e precavidas, como antes do seu uso, durante a súa almacenaxe, no proceder despois de aplicar ou no intre de reciclar refugallos xerados como os envases.

De seguido, van varios consellos ao respecto: 

FASE DA ALMACENAXE

• Almacene os produtos químicos selados no seu envase orixinal; nun lugar fresco, seco, seguro,e ben ventilado, nunha área restrinxida para este tipo de produtos, separados de alimentos para o gando, sementes e  outros vexetais.
• Mantéñaos retirados da calor e do lume.
• O lugar de almacenaxe, aparte de seguro e ben ventilado, debe ser un lugar fora do alcance de  nenos e persoas non responsables.

ANTES DA APLICACIÓN

• Adquirir os produtos nos seus envases orixinais, en estabelecementos autorizados e solicitar a ficha de seguranza do produto ao provedor.
• Ler atentamente a etiqueta do produto e a ficha de seguridade  se está dispoñíbel, cumprindo rigorosamente as recomendacións tanto de seguridade como técnicas especificadas en elas.
• Adoptar as precaucións desde as operacións previas, ao medir a cantidade de produto, ao vertelo , no momento de mesturalo e cargalo . Efectuar estas operacións ao ar libre ou nun local ben ventilado.
• Verificar que se utiliza a equipa adecuado que se especifica na ficha de seguranza do produto (traxe, luvas, gafas ou viseira, máscara, etc.) e comproba as especificacións das Equipas de Protección Individual (EPI) seleccionados.
• Retire do cultivo a persoas ou animais domésticos. Non permita que se acheguen mentres se está aplicando.

DURANTE A APLICACIÓN

• Utilizar maquinaria de pulverización axeitada e en bo estado.
• Non beber, comer ou fumar no mesmo lugar ou nos o arredores onde se realicen traballos de sulfatación.
• Levar a bebida, comida ou tabaco en recipientes herméticos para evitar a sua contaminación.
• Non traballar en contra do vento.
• Non desatascar as boquillas ou outras partes dos aparellos de sulfatar soprando coa boca. BAIXO NENGUNHA CIRCUNSTANCIA.

DESPOIS DA APLICACIÓN

• Se a etiqueta estabelece prazos de espera, sinalizar a zona tratada de maneira adecuada por medio de carteis indicativos ben visíbeis. no cartel farase constar a frase:“TRATADO CON PLAGUICIDAS”, xunto coa data de tratamento, a data até a que é perigoso acceder ao campo e o NOME COMERCIAL do praguicida.
• Conservar o produto sobrante no seu envase orixinal e  pechado.
• Limpar a equipa de aplicación
• Mudarse a roupa de traballo, lavala por separado e tomar un baño ou ducha.
• Respectar o tempo mínimo de prohibición absoluta de acceso ao campo tratado segundo as recomendacións indicadas na etiqueta do produto.
• Peche o envase; axite durante 30 segundos.

ELIMINACIÓN DE ENVASES

• Selar e almacenar os envases parcialmente utilizados.
• Realice triplo lavado de los envases baleiros, posteriormente proceda a destruílos para evitar que sexan usados novamente.

Hai Comunidades Autónomas nas que  existen campañas de recollida e xestión destes envases por parte da Administración en colaboración con certas entidades privadas. Nalgunhas Comunidades existe un incinerador ou vertedoiro autorizado. NUNCA DEBEN SER ENTERRADOS.