Queren que dea explicacións sobre as modificacións recollidas na Lei de acompañamentodo proxecto de orzamentos da Xunta

As organizacións CIG, CCOO, Colexio Oficial de Traballo Social e SLG-CCLL rexistraron este martes un escrito solicitando a comparecencia da conselleira de Política Social,Fabiola García, nun pleno urxente do Consello Galego de Benestar Social.

Entenden que a as modificacións recollidas na Lei de acompañamento do proxecto de orzamentos da Xunta deGalicia para o ano 2025, así como as emendas á mesma, teñen implicacións sobre o procedemento de recoñecemento das situacións de dependencia e discapacidade, así como nasfuncións deste Consello.

As catro organizacións levan anos denunciando as malas prácticas da Xunta de Galicia canto ao funcionamento do Consello Galego de Benestar Social. Agora poñen o foco na Lei de medidas fiscais e administrativas que acompaña ao proxecto de orzamentos autonómicos. Denuncian que, unha vez máis, o Goberno galego utiliza unha ‘lei ómnibus’ para cambiar polaporta de atrás leis e normas moi importantes para a vida dos galegos e as galegas. Neste caso, aLei 13/2008 do 3 de decembro, de Servizos Sociais de Galicia e o Decreto 142/2023, do 21 desetembro, polo que se regula o procedemento para o recoñecemento da situación dedependencia.

A modificación normativa busca unificar os procedementos de recoñecemento da situación de dependencia e do recoñecemento do grao de discapacidade, posibilitando tramitar e resolverambos de xeito conxunto, recortando inversión en persoal, eliminando persoal especializado detraballo social e sobrecargando, unha vez máis, os servizos sociais comunitarios.

Baleirado de funcións do Consello

Por outra banda, as catro organizacións denuncian o progresivo baleirado de funcións do Consello Galego de Benestar social, que en vez de poder actuar como órgano colexiado superior consultivo e de participación do sistema galego de servizos sociais, acaba sendo simple receptor da información que recibe da Consellaría de Política Social.

Coa Lei de Acompañamento a Xunta agrava a situación, consolidando a participación restrinxida que se practica e limita a súa capacidade de opinión a aquelas cuestións relativas aos servizos sociais que a Consellaría considere.

En resumo, a Lei de Acompañamento vai supoñer un novo retroceso na atención ás persoas dependentes en Galicia e vai a restrinxir a participación da sociedade civil no eido dos servizos sociais.