Medio Ambiente e Montes: 2011

A Soberanía Alimentaria, garantía de futuro

Menú Principal

Saltar Menú Principal

Menú de Destacados

Saltar Menú de Destacados

A pretensión de verter inxentes cantidades de herbicidas perigosos está a ser contestada pola veciñanza da Mariña
23 de Maio do 2023 ·
No día de hoxe, procedeuse a presentar no Concello de Ribadeo un bo número de manifestacións de desconformidade con esta pretensión da empresa NEDGIA GALICIA SA, do grupo Naturgy. O produto TORDON™ Star, que a empresa pretende aplicar en grande parte do trazado, é un herbicida moi tóxico.
Políticas Locais para a Transición Agroecolóxica e a Soberanía Alimentar
17 de Abril do 2023 ·
Conmemoramos o Día das Loitas Labregas, convocado pola coordenadora La Vía Campesina Internacional dende o ano 1996. A soberanía alimentar e a agroecoloxía xa son o presente, e único camiño para un futuro sustentábel social e medioambientalmente
Denunciamos a eliminación de fondos PAC para disimular a deficiente dotación orzamentaria para ecolóxico
1 de Marzo do 2023 ·
A Xunta propón eliminar do PEPAC 40M para zonas con limitacións naturais, 11M para cultivos sostíbeis e 7,5M de gasto público total. Esiximos que a cobertura das agroambientais de ecolóxico non se realice a costa de reducir partidas con alto nivel de execución
O SLG denunciará no Comité de Seguimento do PDR e no Consello Agrario Galego a exclusión masiva nas axudas de ecolóxico
9 de Xaneiro do 2023 ·
Só 26 das 150 granxas que solicitaron a súa conversión á gandaría ecolóxica accederon ás axudas públicas da Xunta. A CMR inda non respostou á solicitude de xuntanza feita polo SLG no mes de decembro e continúan activas as mobilizacións
Produtores/as en ecolóxico e de zonas desfavorecidas maniféstanse fronte ao Parlamento convocadas polo SLG
22 de Decembro do 2022 ·
O conselleiro segue sen asumir responsabilidades, mentindo e buscando excusas para non activar as axudas necesarias. Campaña de mobilizacións para esixir medidas para as granxas discriminadas pola CMR no acceso ás axudas públicas
Mobilización de produtores/as en ecolóxico e de zonas desfavorecidas MAÑÁ fronte ao Parlamento Galego (COMPOSTELA)
20 de Decembro do 2022 ·
Avanza a campaña de mobilizacións para esixir medidas para as granxas discriminadas pola CMR no acceso ás axudas públicas. Ás 13h. concentración previa ao debate parlamentario no que se tratará a deficiente xestión destes orzamentos por parte da Xunta
Máis de medio cento de persoas partillaron análises e estrateixas de coidado do común para soster a Vida
17 de Decembro do 2022 ·
Ao longo da xornada de hoxe estamos celebrando na Casa Común de Rarís (Teo) o VI Foro Labrego de Agroecoloxía. Os comúns como elemento clave para reconfigurar a nosa relación coa terra e o territorio, e avanzar na Soberanía Alimentar
Inicio de mobilizacións para esixir solucións para as granxas excluídas das axudas ao sector ecolóxico e zonas desfavorecidas
16 de Decembro do 2022 ·
Arredor de 200 produtoras/es acompañaron á SX do SLG no rexistro hoxe en Lugo da solicitude de entrevista co conselleiro. Inicio de campaña de mobilizacións para esixir medidas para as granxas discriminadas pola CMR no acceso ás axudas públicas
O SLG-CCLL leva unha vez máis o debate sobre a invasión eólica nas Reservas da Biosfera
16 de Decembro do 2022 ·
Reiteramos a demanda de activación inmediata dunha moratoria á instalación de polígonos industriais nas Reservas da Biosfera. Solicitamos coñecer a evolución do informe iniciado polo Comité Científico do Programa MaB da UNESCO a finais do 2021
Solicitamos unha xuntanza urxente co Conselleiro e solucións para as granxas de ecolóxico e zonas desfavorecidas
15 de Decembro do 2022 ·
Mañá ás 13h. a Secretaria Xeral do SLG-CCLL rexistrará en Lugo a solicitude de entrevista co conselleiro José González Vázquez. Inicio de campaña de mobilizacións para esixir medidas para as granxas discriminadas pola CMR no acceso ás axudas públicas
VI Foro Labrego de Agroecoloxía: Coidando o común para soster a Vida
14 de Decembro do 2022 ·
Ao encontro asistirán produtores/as de ecolóxico de toda Galiza, este sábado 17 de decembro na Casa Común de Rarís (Teo). Os comúns como elemento clave para reconfigurar a nosa relación coa terra e o territorio, e avanzar na Soberanía Alimentar
Esiximos á CMR que corrixa a súa neglixencia e garanta apoios para todas as solicitantes da agroambiental de ecolóxico inscritas no CRAEGA
30 de Novembro do 2022 ·
É intolerábel que a Administración galega non levase un control do número de solicitudes en relación aos apoios dispoñíbeis. A PAC procura fomentar a agricultura ecolóxica pero a CMR ningunea o sector mentras desvía fondos cara a agroindustria
Lanzamento do manifesto internacional Agroecoloxía ou Barbarie
20 de Outubro do 2022 ·
As análises e posición política emanadas do seminario internacional "Agroecoloxía ou Barbarie", celbrado no mes de xuño en Compostela foron compiladas a través dun manifesto internacional lanzado simultáneamente polas organizacións participantes o mesmo. Animamos á adhesión de todas aquelas entidades que queiran sumar forzas contra os abusos das corporacións agroindustriais, na defensa da agroecoloxía e pola consecución do dereito á soberanía alimentaria.
A Fiscalía investiga á Xunta pola vaga de lumes deste verán
13 de Outubro do 2022 ·
A Fiscalía iniciou dilixencias en base á denuncia presentada en agosto polas entidades que integran a plataforma “Por un Monte Galego con Futuro” na que se sinalaba a Xunta como responsábel por inacción do alcance do desastre ambiental causado pola vaga de lumes.
A Plataforma por un Monte Galego con futuro leva á Xunta ante a Fiscalía pola vaga de lumes
17 de Agosto do 2022 ·
Denunciamos ante a Fiscalía e a Valedora do Pobo o desleixo do goberno da Xunta de Galicia ante a vaga de lumes que nas últimas semanas teñen producido graves efectos nos montes e ecosistemas de máis valor de Galicia.
O SLG solicita que se cubran todos os custos ocasionados polo lume na Galiza
28 de Xullo do 2022 ·
O goberno galego non foi capaz ou non quixo activar todos os medios, previstos no PLADIGA, para facer fronte aos incendios máis catastróficos. En setembro deberá comezar o debate para lograr un consenso social sobre os cambios precisos no modelo de prevención, que ten que implicar mudanzas importantes para que non se repita.
Frouma publica a guía 'Manexo de masas vexetais para a apicultura', sobre a importancia das abellas na Galiza
5 de Abril do 2022 ·
A Asociación Frouma, coa colaboración do Sindicato Labrego Galego, publicou a guía 'Manexo de masas vexetais para a apicultura', baixo a coordinación do noso compañeiro Diego Sánchez. O estudo pon en valor a importancia das abellas como animais imprescindíbeis para a biodiversidade e para a produción de alimentos. Nel analízase a relación das abellas coas plantas, a tipoloxía de meles existentes, os efectos nocivos dos pesticidas e repárase no presente e futuro da apicultura na Galiza, afondando na caracterización das masas e propostas de manexo. O proxecto foi editado a finais de 2021 e conta co financiamento da Deputación da Coruña. Podes descargar a obra premendo na icona que atoparás ao final desta páxina.
Se mata ao medio rural, non é enerxía limpa nin transición xusta
7 de Febreiro do 2022 ·
Dende o Sindicato Labrego Galego-Comisións Labregas (SLG-CCLL) e a Asociación Petón do Lobo damos a voz de alarma e manifestamos a nosa absoluta oposición ao proxecto da central hidroeléctrica Xistral (936 MWE), que o grupo de explotación enerxética aragonés Alatalaya Generación -con negocio tamén no sector eólico e fotovoltaico- ameaza con instalar nos concellos de O Valadouro, Ourol, Alfoz, Cervo e Xove (Lugo).
Defendemos no CES a xestión pública da auga e garantir o seu acceso por parte da poboación
2 de Febreiro do 2022 ·
Nestas semanas está a ter lugar no seo do Consello Económico e Social de Galiza (CES) o proceso de debate e emendas do denominado “Anteproxecto de Lei de Mellora da Xestión do Ciclo Integral da Auga”, o cal modifica a Lei 9/2010 de Augas de Galicia. Este ditame do CES será remitido á Xunta de Galicia, para a súa posterior tramitación como Lei no Parlamento Galego, puidendo ter incorporado as achegas formuladas polo CES, ou non.
A Conselleira de Medio Ambiente abandona precipitadamente a xuntanza do COGAMADS bloqueando a votación da moratoria eólica
27 de Xaneiro do 2022 ·
SLG-CCL, ADEGA, FEG e SGHN censuraron o comportamento da Conselleira e solicitaron a convocatoria urxente dun pleno extraordinario do Consello Galego de Medio Ambiente e Desenvolvemento Sostíbel.
Dúas das tres Reservas da Biosfera luguesas solicitarán unha moratoria para paralizar os parques eólicos, a solicitude do SLG
19 de Decembro do 2021 ·
A Reserva da Biosfera Terras do Miño, e a Reserva da Biosfera Os Ancares Lucenses e Montes de Cervantes, Navia e Becerreá comprometéronse, a instancia do Sindicato Labrego Galego, a solicitar á Xunta de Galicia unha moratoria que paralice de xeito inmediato os parques eólicos actualmente en tramitación.
Alegamos contra a discriminación das granxas galegas con terra no borrador do RD para a nutrición sostíbel nos solos agrarios
10 de Decembro do 2021 ·
O Sindicato Labrego Galego-Comisións Labregas presentou hoxe quince novas alegacións ao Real Decreto polo se establecerán as normas para a nutrición sostíbel nos solos agrarios.
Veciñanza afectada e SLG denunciamos irregularidades na exposición pública dos parques eólicos Mistral e Nordés
16 de Novembro do 2021 ·
O pasado 7 de outubro o Boletín Oficial da Provincia de Lugo recollía o anuncio de dous novos megaparques eólicos máis: Parque Eólico Mistral de 100,8 MW e infraestrutura de evacuación na provincia de Lugo (solicitado por GREENALIA WIND POWER MISTRAL S.L.U), e o Parque Eólico Nordés de 67,2 MW e infraestrutura de evacuación nas provincias de A Coruña e Lugo (solicitado por GREENALIA WIND POWER NORDÉS S.L.U. ).
Unindo forzas a nivel global contra o espolio do medio rural
15 de Novembro do 2021 ·
A voceira do Congreso Nacional Indíxena (CNI) mexicano Mª de Jesus Patricio, Marichuy, e a integrante da Asamblea de los Pueblos Indígenas del Istmo en Defensa de la Tierra y el Territorio Nisaguie Abril Flores, estarán en Touro, Compostela e Vigo o martes 16 e o mércores 17 de Novembro
Esiximos un verdadeiro plan de restauración da mina de Touro (Atalaya Mining)
13 de Novembro do 2021 ·
O actual proxecto de drenaxe integral debe estar incorporado a un verdadeiro plano de restauración e ter como obxectivo único asumir os pasivos mineiros e resolver o problema de contaminación existente actualmente derivado da anterior explotación e desligarse de calquera futuro proxecto que se poida presentar para a explotación mineira porque a restauración é previa a calquera novo proxecto de explotación, conforme á directiva europea
A solicitude do SLG, o Ministerio para a Transición Ecolóxica ordena estudar o impacto das estruturas de explotación enerxética nas Reservas da Biosfera
9 de Novembro do 2021 ·
O Ministerio para a Transición Ecolóxica e o Reto Demográfico realizará, por unha banda, un informe conxunto sobre as incidencias dos parques eólicos nas Reservas de Biosfera, e, por outra, un estudo sobre a viabilidade de instalacións eólicas, fotovoltaicas e termo solares -incluído o seu repotenciamento- e infraestruturas asociadas en territorios declarados Reserva da Biosfera no Estado español.
Endesa encarga investigacións para identificar e neutralizar colectivos sociais que dinamizan a resistencia contra a invasión eólica
5 de Novembro do 2021 ·
Importando as mesmas estratexias de identificación de resistencias locais empregadas dende fai décadas para a explotación de recursos naturais nos países en vías de desenvolvemento, están a ser varias as multinacionais enerxéticas que, a través de consultoras medioambientais ao seu servizo, están a contactar aos colectivos que informamos, denunciamos e nos opoñemos á invasión eólica do medio rural galego.
Alegamos contra a creación dunha nova balsa de residuos da mina de Touro-O Pino
29 de Outubro do 2021 ·
O Sindicato Labrego Galego vén de presentar alegacións contra o“Proxecto de drenaxe integral da concesión de explotación San Rafael n.º 2.946”, na parroquia de Touro (San Xoán), nos termos municipais de Touro e O Pino (A Coruña).
A Rede Galega Stop Eólicos chama a intensificar a loita frente a estratexia de desmobilización da Xunta
26 de Outubro do 2021 ·
Comunicado da RGSE - A semana pasada tivemos coñecemento das modificacións legais que a Xunta de Galicia di que vai introducir no sector eólico. Dende a Rede Galega Stop Eólicos (RGSE) queremos alertar de que estas modificacións non van servir para afrontar os problemas que supoñen os proxectos eólicos que están en tramitación ante a Xunta na Galiza e ante o Ministerio en Madrid.
A Terra Chá érguese contra unha nova ameaza eólica: Parque Eólico Mistral
25 de Outubro do 2021 ·
Solicitamos oficialmente que sexa posto a disposición da cidadanía nas oficinal municipais información do proxecto eólico Mistral que ameaza aos concellos de Xermade e Guitiriz na Terra Chá.
A Comisión Contra as Minas da Terra Chá denuncia actividade mineira ilegal na parroquia de Goá
17 de Outubro do 2021 ·
Na Comisión Contra as Minas na Terra Chá vimos de ter noticia de que dende hai uns días se están a realizar labores mineiras sen permiso en terreos da parroquia de Goá, en Cospeito. Ao tempo fomos informadas de que Erimsa está a ofrecer contratos de arrendamento a veciñas da zona do Arneiro, na mesma parroquia.
Esiximos criterios axustados á realidade galega na xestión do lobo
28 de Septembro do 2021 ·
Demandamos que as medidas preventivas e os criterios para as indemnizacións por ataque de lobo se axeiten a nosa realidade. Non todo o estado español e latifundista nin Castela, é ineludible ter en conta a realidade económica e social das explotacións galegas. Precisamos un programa de sanidade animal eficiente, que protexa ao lobo ao tempo que palie os impactos nas granxas e que evite o contaxio de enfermidades a cabana doméstica.
A veciñanza de Aldurfe fai fronte á Consellaría e oponse á construción da planta de transferencia de SOGAMA
27 de Septembro do 2021 ·
Dende o Sindicato Labrego Galego apoiamos a loita da veciñanza, sumándonos as súas demandas e instamos a Consellería de Medio Ambiente e os concellos afectados a que actúen dun xeito transparente e claro, e que deixen de insistir en converter o medio rural nun vertedoiro das áreas urbanas.
Contra a cobiza do oligopolio enérxético. Non á privatización dos lagos de Meirama e As Pontes
22 de Septembro do 2021 ·
Con motivo da apertura de sobres vinculada á solicitude de explotación privada dos recursos hídricos dos lagos de As Pontes e Meirama, distintas organizacións sociais convocamos unha acción de protesta nas oficinas de Augas de Galicia en Santiago de Compostela.
Denunciamos a reincidencia de Corcel Minerals SL/ Eurobattery Minerals AB na execución de prospeccións ilegais en Santa Comba e Coristanco
16 de Septembro do 2021 ·
Denunciamos ante a Dirección Xeral de Planificación Enerxética e Recursos Naturais da Consellería de Economía, Empresa e Innovación e o Concello de Sta Comba unha nova tentativa de realizar sondaxes ilegais nos concellos de Sta. Comba e Coristanco perpetrada pola empresa mercantil CORCEL MINERALS SL e a súa matriz EUROBATTERY MINERALS AB.
O SLG urxe a impedir un novo ataque do oligopolio eólico á comarca da Mariña
8 de Septembro do 2021 ·
Greenalia pretende instalar 15 eólicos, unha subestación e unha liña de alta tensión de evacuación até Xove. Os aeroxeradores que se pretenden implantar alcanzarían a altura de 180 metros (a maior cheminea de Alcoa na factoría de San Cibrao chega aos 145). Irían situados, 10 deles, no cumio dos montes entre Cornería e o monte de Oirán, nos límites entres os concellos de Lourenzá e Mondoñedo con Foz, e os 5 restantes irían entre Santa Cilla e o Pico da Lebre no concello de Foz. Este macroparque eólico de dimensións totalmente desproporcionadas afectará negativamente a un grande número de veciños e veciñas.
SLG denuncia a ameaza de dous parques eólicos na Reserva da Biosfera Terras do Miño
28 de Agosto do 2021 ·
O Sindicato Labrego Galego vén de rexistrar unha serie de escritos na Deputación Provincial de Lugo e no Ministerio para a Transición Ecolóxica, demandando a actuación do Consello Científico, órgano asesor do Comité Español do Programa MaB da UNESCO, ante as "posíbeis afeccións á conservación de superficies de hábitats de Rede Natura e aos valores da Reserva da Biosfera Terras do Miño" dos parques eólicos 'Santuario' e 'Mistral' e das correspondentes infraestruturas de evacuación.
Desmantelada para chatarra a planta de tratamento de Varilongo que levou máis de medio millón de euros da Xunta
17 de Xullo do 2021 ·
A mineira australiana Rafaella Resources, propietaria da filial que obtivo os dereitos mineiros da mina de estaño e volframio de Varilongo, en Santa Comba, demantelou esta semana a planta de tratamento de minerais que fora instalada en 2012 cunha subvención a fondo perdido do IGAPE de 645.855 euros, a cargo do Fondo Europeo de Desenvovemento Rexional. O Sindicato Labrego Galego, xunto a outros colectivos (Petón do Lobo BerXallas Minaría Destrutiva Non, Ecoloxistas en Acción e Fundación Montescola) denunciamos o desmantelamento por carecer das preceptivas autorizacións.
As denuncias da veciñanza e dos colectivos de de Contraminacción paralizan as sondaxes ilegais en Castriz
3 de Xullo do 2021 ·
Esta semana recibimos comunicación por parte do xefe do Servizo de Enerxía e Minas da Delegación Territorial da Coruña: “Infórmaselle de que con data 18/06/2021 o xefe territorial iniciou o correspondente expediente sancionador e ratificou a suspensión dos traballos acordada in situ, como consecuencia da visita de inspección realizada o 16/06/2021 polos servizos técnicos desta Xefatura Territorial”
O SLG denuncia sondaxes ilegais que afectan os recursos hídricos de nove familias en Santa Comba e Coristanco
15 de Xuño do 2021 ·
O Sindicato Labrego Galego vén de presentar, xunto a outros colectivos e organizacións, unha denuncia diante da Axencia de Protección da Legalidade Urbanística contra as sondaxes mineiras ilegais nas que está a reincidir a empresa Eurobattery Minerals en Coristanco e Santa Comba. A denuncia tamén foi presentada diante da Consellaría de Economía, da Dirección Xeral de Planificación Enerxética e Recursos Naturais, do Concello de Santa Comba e da Policia Autonomica.
A Sociedade Civil europea denuncia os plans de materias primas da UE que impulsan a minería destrutiva
10 de Xuño do 2021 ·
O Sindicato Labrego Galego, xunto con máis de 180 organizacións e plataformas de dereitos humanos e ambientais de 36 países, solicitamos á Unión Europea que abandone os seus plans de expansión masiva da minaría no marco dos plans da UE dun “Pacto Verde” (Green Deal) e “Recuperación Verde”.
Nin un eólico máis, nin unha ocupación máis dos nosos montes e agras. Marcha o 5 de xuño!
1 de Xuño do 2021 ·
Nos últimos meses unha nova ameaza planea sobre as nosas aldeas, unha INVASION EÓLICA como lle veñen chamando moitas plataformas veciñais.Diante disto, dende o Sindicato Labrego Galego apoiamos a marcha do 5 de xuñ, Día do Medio Ambiente, convocada por varios colectivos e organizacións ecoloxistas e sindicaisda Galiza.

O SLG condena a decisión da Xunta de construír unha incineradora de residuos no Irixo
9 de Decembro do 2011 ·
O Sindicato Labrego Galego critica a decisión da Xunta á hora de darlle o visto bo ao proxecto de construír unha incineradora de lixo no concello ourensán do Irixo, pois a súa realización só vai beneficiar ao capital privado e traerá graves consecuencias medioambientais na zona, o peche de explotacións agrarias e máis despoboamento.
O SLG denuncia en Forcarei atrasos de máis de tres días na retirada de cadáveres animais das explotacións
24 de Outubro do 2011 ·
A María Xesús Martínez, gandeira que rexenta unha explotación leiteira en Quintela (Dúas Igrexas, Forcarei), morreulle unha vaca na noite do 20 ao 21 de outubro. En canto se fixo de día, o pasado venres pola mañá, avisou ao servizo de recollida de cadáveres animais, que na Galiza está xestionado pola empresa privada Gesuga (Gestora de Subproductos de Galicia S.L.). O normal tería sido que esta empresa recollese o cadáver da vaca ese mesmo día, ou ao día seguinte a máis tardar; pero pasou toda a fin de semana, e a vaca seguía no mesmo lugar onde morrera. Finalmente, Gesuga retirou o cadáver pasado o mediodía do luns 24 de outubro; cando o fixo, xa fora atacado por animais preeiros. Nesta ocasión houbo sorte, pois cadrou que veu o frío esta mesma fin de semana; en caso de tempo soleado, a calor tería acelerado a descomposición do cadáver e aumentarían, considerablemente, os riscos sanitarios e para a saúde das persoas e dos animais da contorna.
Consello Agrario Galego: O SLG pide que se prohiba o vertido de lodos de depuradora na terra
7 de Outubro do 2011 ·
A secretaria xeral do Sindicato Labrego Galego, Carme Freire, participou hoxe, 7 de outubro, na xuntanza da permanente do Consello Agrario Galego. Entre outros temas, debateuse o proxecto de decreto polo que se regula a utilización de lodos de depuradora no sector agrario. A posición do SLG foi a de pedir a retirada deste proxecto e a prohibición expresa de poder verter lodos de depuradora na terra. As razóns para adoptar este posicionamento son varias.
Un milleiro de sinaturas para reclamar políticas que manteñan controlada a fauna salvaxe no medio rural
3 de Outubro do 2011 ·
A secretaria xeral do Sindicato Labrego Galego, Carme Freire, e o responsable dos sectores gandeiros na mesma organización, Adolfo Cabarcos, rexistraron hoxe, 3 de outubro, ante a Consellaría de Medio Rural, máis dun milleiro de sinaturas apoiando un escrito no que se lle demanda ao departamento que dirixe Samuel Juárez que asuma as súas responsabilidades e articule, dunha vez por todas, solucións aos danos que a falla de control da fauna salvaxe está a provocar en toda Galiza.
Quilmas acolle este sábado a terceira edición do seu mercado ecolóxico pola defensa da terra
28 de Septembro do 2011 ·
O sábado, 1 de outubro, a parroquia de Quilmas (Carnota) celebrará a terceira edición do mercado ecolóxico “Pola defensa da terra”, onde se poderán atopar todo tipo de produtos das explotacións labregas e obradoiros artesáns da zona: hortalizas e froitas de tempada, conservas, fermentados, mel, cerámica, cestería ou cosméticos naturais serán ofrecidos directamente polos homes e mulleres que os produciron, sen intermediarios, a quen asista a este evento. O mercado está organizado pola Cooperativa de Agricultura Ecolóxica Rainha Lupa, e colabora, entre outras organizacións, o Sindicato Labrego Galego.
A ameaza transxénica pon en xaque á apicultura galega e a outros sectores como a gandería ou a produción ecolóxica
11 de Septembro do 2011 ·
O Tribunal de Xustiza da Unión Europea acaba de fallar que a presenza de transxénicos sobre o pole ou o mel necesita unha autorización especifica. Polo tanto, todo mel onde aparezan restos de transxénicos -e isto acontecerá sempre que unha abella chuche o pole dunha planta transxénica^¹- haberá que destruílo porque non está contemplado este tipo de produto. A sentenza produciuse trala denuncia dun apicultor alemán que tivo que destruír toda a súa produción de mel por estar contaminada con pole transxénico.
O SLG alega contra un canon da auga que se lle poderá cobrar ás explotacións agrarias, ás traídas veciñais e comunitarias e aos pozos particulares
9 de Septembro do 2011 ·
A secretaria xeral do Sindicato Labrego Galego, Carme Freire, acompañada de Manuel Docampo Paradelo, membro da Executiva desta organización agraria; acudiron hoxe, 9 de setembro, até a sede de Augas de Galicia para rexistrar un documento de alegacións (achégase xunto a este comunicado) contra o chamado “Proxecto de decreto polo que se aproba o regulamento de réxime económico e financeiro do canon da auga e do coeficiente de vertedura a sistemas públicos de depuración de augas residuais”. É dicir, o proxecto co que se pretende aprobar o canon da auga que, de ires para adiante, teremos que pagar todos os galegos e todas as galegas polo noso dereito a beber e, polo tanto, polo noso dereito a vivir.
A Consellaría de Medio Rural marxina a plantación de frondosas a favor do monocultivo de piñeiro
6 de Xullo do 2011 ·
O pasado 28 de xuño, a Consellaría de Medio Rural publicaba no DOG a orde para fomento de primeira forestación de terras non agrícolas, despois de non tela convocado o ano pasado. Tras unha primeira lectura, vese que a gran aposta de Medio Rural polos nosos montes consiste en convertelos ao monocultivo de coníferas (nomeadamente, piñeiros), en detrimento das árbores frondosas e autóctonas.
O SLG esixe solucións para a fauna salvaxe por terse convertido nun problema de orde social que ameaza a economía e a integridade das xentes do rural
13 de Xuño do 2011 ·
A secretaria xeral do Sindicato Labrego Galego, Carme Freire, e o responsable dos sectores gandeiros na mesma organización, Adolfo Cabarcos, ofreceron hoxe, 13 de xuño, unha rolda de prensa para denunciar o crecemento exponencial dos ataques da fauna salvaxe sobre as explotacións agrarias, que se está a transformar nun problema de “orde social e de perigo da integridade física das persoas que vivimos no rural”. Declaraba isto a secretaria xeral do SLG, que afirmou que “a fauna salvaxe está invadindo, agora mesmo, as nosas vidas”. Carme Freire sentenciou que “os ataques da fauna salvaxe están poñendo en perigo a nosa economía, necesaria para poder vivir; pero tamén poñen en perigo as nosas vidas”.
A Plataforma Galega contra a Lei de Augas amósalle ao conselleiro Hernández a súa repulsa por privatizar o dereito dos galegos e das galegas a beber e a vivir
13 de Abril do 2011 ·
Unha vintena de representantes das organizacións que forman parte da Plataforma contra a Lei de Augas, concentráronse hoxe, 13 de abril, diante da sede da Escola Galega de Administración Pública (EGAP) en Compostela. A mobilización coincidiu cunha xornada formativa sobre a Lei de Augas e a súa inauguración a cargo do conselleiro de Medio Ambiente, Territorio e Infraestruturas, Agustín Hernández.