A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Medio Ambiente e Montes>
  4. Solicitamos unha xuntanza urxente co Conselleiro e solucións para as granxas de ecolóxico e zonas desfavorecidas

Solicitamos unha xuntanza urxente co Conselleiro e solucións para as granxas de ecolóxico e zonas desfavorecidas

15 de Decembro do 2022

Lugo16d

Mañá ás 13h. a Secretaria Xeral do SLG-CCLL rexistrará en Lugo a solicitude de entrevista co conselleiro José González Vázquez. Inicio de campaña de mobilizacións para esixir medidas para as granxas discriminadas pola CMR no acceso ás axudas públicas

A Secretaria Xeral do Sindicato Labrego Galego-Comisións Labregas (SLG-CCLL), Isabel Vilalba, solicitará mañá unha xuntanza urxente co Conselleiro de Medio Rural, José González Vázquez, para para demandar á Consellaría a ampliación da partida adicada á produción ecolóxica -garantindo que todas as persoas que solicitaron a súa incorporación ao Consello Regulador de Agriculura Ecolóxica de Galicia (CRAEGA) podan acceder ás contías inicialmente establecidas-, así como solucións para as máis de 8.000 granxas galegas excluídas das axudas por zona desfavorecida.

O rexistro de solicitude trará lugar ás 13h. no edificio administrativo da Xunta de Galicia (Ronda Da Muralla, 70), ao que acudirán tamén produtoras e produtores en ecolóxico afectadas pola mala planificación da CMR. Ca acción de mañá en Lugo dende o SLG-CCLL damos inicio a unha campaña de mobilizacións en todo o país esixindo a subsanación da xestión discriminatoria destes orzamentos públicos realizada pola Consellaría do Medio Rural en detrimento das pequenas e medianas explotacións ecolóxicas.