A Secretaria Xeral do Sindicato Labrego Galego, Isabel Vilalba, desplazarase a Madrid o venres 26, para manter unha xuntanza co Secretario Xeral de Agricultura e Alimentación, Fernando Miranda Sotillos, na que esixirá medidas inmediatas de apoio ao sector leiteiro que freen de xeito urxente a desaparición de milleiros de granxas na Galiza.
Nesta xuntanza, onde tamén estarán presentes representantes doutras Organizacións Profesionais Agrarias, Isabel Vilalba reivindicará unha vez máis que o Ministerio execute as actuacións precisas para que, en aplicación da Lei da Cadea Alimentaria nos prezos do leite -e tamén da carne-, sexa obrigatoria a inclusión das subas de custos de produción e se prohiban prezos que supoñan para o sector produtor a venda a perdas.
Precisamos urxentemente medidas que permitan a milleiros de gandeiras e gandeiros vivir dignamente do seu traballo, fixando poboación no medio rural, mantendo a biodiversidade e coidando do territorio.