A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2018

Novas: 2018

  1. Publicamos o segundo Fouciño especial da era Covid19 coas novidades das dúas últimas semanas

    Fouciño covid 2 18 de Maio do 2020 · 

    O Sindicato Labrego Galego vén de publicar o segundo número do seu boletín electrónico especial en tempos de pandemia. Nesta ocasión, ademais dun resume das principais novas relacionadas co SLG nas dúas últimas semanas, tamén recuperamos a tradicional sección de anuncios que ocupaba a penúltima páxina do Fouce e un novo apartado con demandantes e emprego agrario. Podes descargalo na icona que atoparás a continuación:

  2. O SLG interpela ao Concello de Vilalba sobre o Feirón e polas normas contraditorias nas feiras semanais

    Concello de Vilalba 16 de Maio do 2020 · 

    O Sindicato Labrego Galego vén de rexistrar unha instancia dirixida ao Concello de Vilalba (podes descargar o documento orixinal na icona que atoparás no remate desta páxina) para que aclare se a reapertura das feiras semanais inclúe tamén o Feirón mensual, que debería celebrarse o vindeiro martes 19 de maio. Ademais, en vista de como se reabriron as feiras semanais, mesturando diferentes normativas e creando unha grande confusión entre as persoas que participan nelas, tamén lle pediu que aclare os criterios de participación por parte dos produtores e produtoras que poden vender.

  3. O SLG pide a Medio Rural axudas para apoiar as granxas galegas desasistidas polo Estado na crise do Covid

    Axudas de minimis 14 de Maio do 2020 · 

    Dende a declaración do estado de alarma, o sector alimentario estivo en activo para garantir o abastecemento de alimentos para a cidadanía. Dentro del, as granxas galegas tamén continuaron coa súa actividade. Porén, boa parte delas atópanse completamente desasistidas porque ou ben non se contempla ningunha axuda dende o Estado para compensar as perdas económicas que están a sufrir a causa das restricións, ou ben as que se articulan resultan insuficientes para as nosas explotacións.

  4. As granxas de leite galegas perderon 160 millóns de euros en 2019 por vender por baixo dos custes de produción

    Prezo leite 12 de Maio do 2020 · 

    O Estudo de Custes e Rendas das Explotacións Agrarias (Ecrea) do sector lácteo correspondente ao ano 2017 fixa en 39 céntimos o custe medio para producir un litro de leite de vaca nunha granxa galega, un valor moi afastado dos 32,3 céntimos que cobraron as nosas granxas en marzo1. Se utilizásemos este custe de produción, que se incrementou nos últimos anos, e calculamos o diferencial do que perderon as nosas granxas por non ingresar eses cartos, só en 2019 o sector lácteo galego deixou de ingresar case 160 millóns de euros (159.596.767 €), o que supón unha media de máis de 13 millóns de euros por mes (13.299.730 €)2.

  5. O SLG denuncia a desidia do Concello de Vilalba á hora de reabrir os mercados semanais de produtos labregos

    Grelos 11 de Maio do 2020 · 

    A pesares de que se poden realizar feiras con venda directa de produtos agrogandeiros dende o 4 de maio na Galiza, o Concello de Vilalba non fixo aínda nada para reactivar as que son da súa competencia, como o mercado semanal dos martes, que se debería celebrar mañá, ou o feirón da semana que vén, o 19 de maio. Porén, dende o SLG non temos constancia de que o consistorio vilalbés se puxese en contacto cos labregos e labregas que venden habitualmente nestes mercados.

  6. SLG e FRUGA esixen un cambio de rumbo na Delegación do Goberno tralo erro de prohibir os mercados alimentarios

    Delegación do Goberno 8 de Maio do 2020 · 

    Tras as críticas realizadas onte, 7 de maio, polo SLG e a FRUGA contra a prohibición dos mercados alimentarios de proximidade por parte da Delegación do Goberno en Galiza, pedindo a dimisión do delegado, Javier Losada; hoxe, 8 de maio, asistimos abraiados á publicación dun tweet onde sen informa, dende o máximo representante da Moncloa na nosa terra, que: Atendiendo al permiso de la Xunta sobre mercados, dentro del compromiso de cogobernanza y consultada la Abogacía del Estado, se entiende que aquellos dedicados a venta de alimentos y productos de primera necesidad pueden celebrarse, respetando las medidas de seguridad sanitaria”.

  7. SLG e FRUGA piden a dimisión do delegado do Goberno en Galiza por prohibir os mercados de proximidade

    Javier Losada 7 de Maio do 2020 · 

    O Sindicato Labrego Galego (SLG) e a Federación Rural Galega (FRUGA) queremos expresar o noso máis enérxico rexeitamento ao torpedeo permanente que a Delegación do Goberno en Galiza está a perpetrar contra calquera iniciativa relacionada coa reactivación dos mercados alimentarios de proximidade ao prohibir, a través da Subdelegación da Coruña, a celebración de feiras de produtos labregos en vilas como Carballo, Sada, Teo ou Betanzos.

  8. O SLG comeza a publicar un boletín informativo electrónico para substituír temporalmente a edición impresa do Fouce

    Portada Fouciño Covid 1 6 de Maio do 2020 · 

    Debido á extraordinaria situación que estamos a vivir, baixo as restricións dun estado de alarma para conter a pandemia do coronavirus, dende o Sindicato Labrego Galego tomamos a decisión de deixar de publicar temporalmente a edición impresa do Fouce. No seu lugar, enviaremos periodicamente o Fouciño, un boletín informativo para difundir vía electrónica. De seguido, compartimos contigo o primeiro número agardando que todo volva á normalidade o máis axiña posible. Podes descargalo na icona que atoparás a continuación:

  9. O SLG pregunta a sete concellos pola reapertura dos mercados alimentarios de proximidade na Terra Chá

    Feira en Galiza 6 de Maio do 2020 · 

    A coordinadora do Sindicato Labrego Galego na Terra Chá, Margarida Prieto Ledo, rexistrou onte, 5 de maio, unha instancia dirixida aos concellos de Vilalba, Xermade, Cospeito, Castro de Rei, Muras, Abadín e Guitiriz preguntado polos mercados alimentarios non sedentarios que se celebran periodicamente nos seus termos municipais. En concreto, interpélase aos gobernos municipais para que aclaren se van seguir celebrando estes mercados nos mesmos lugares e cos mesmos horarios que antes da súa prohibición a causa da declaración do estado de alarma.

  10. A Xunta tenta aproveitar o estado de alarma para sacar adiante 1.000 proxectos industriais controvertidos

    Alerta ambiental 5 de Maio do 2020 · 

    O Consello da Xunta do xoves 30 de abril do 2020 aprobou reactivar a tramitación administrativa en materia de valiación ambiental de 975 proxectos que estaban paralizados polo Estado de alarma. Froito diso, e cando aínda xiste unha seria crise sanitaria e a poboación segue confinada e sen poder desenvolver as súas actividades de forma ormalizada, a Xunta de Galicia dita unha Orde, publicada no DOG deste 4 de maio, para que comecen a correr os prazos de exposición pública destes proxectos industrias de grande impacto.

  11. Novidades normativas na Fase 0 do proceso de desescalada no estado de alarma pola pandemia do Covid-19

    SLG informa 4 de Maio do 2020 · 

    Nos últimos días publicáronse varias novidades normativas no BOE e no DOG que afectan a cuestións de importancia como a autorización dos mercados alimentarios de proximidade na Galiza ou o acceso ás hortas de autoconsumo. Se queres coñecelas, descarga o boletín "SLG informa" premendo na icona que atoparás a continuación:

  12. O SLG intermedia con Medio Rural para buscar saída a máis de 1'5 millóns de quilos de pataca de 11 produtores na Limia

    Pataca Limia 4 de Maio do 2020 · 

    O Sindicato Labrego Galego dirixiuse, o 30 de abril, á Consellaría de Medio Rural para facerlle entrega dunha lista de once produtores e produtoras da Limia (Xinzo, Sandiás e Vilar de Barrio) que teñen almacenados máis de 1'5 millóns de quilos de pataca sen saída comercial aos que non se lles está a ofrecer ningún tipo de apoio ou axuda.

  13. O SLG pide medidas de apoio contra a crise do viño e critica as restricións absurdas na viticultura de autoconsumo

    Viñedos 29 de Abril do 2020 · 

    O Sindicato Labrego Galego quere expresar a súa disconformidade con que se siga impedindo o coidado dos viñedos para autoconsumo ou como actividade non profesional, limitando o acceso só para ribeiras que están no mesmo termo municipal da persoa titular ou a cinco quilómetros como máximo se están noutro concello. Ademais, pide que se activen axudas para apoiar o sector na forte crise que está sufrindo antes de que sexa demasiado tarde.

  1. Parcelaria

    O SLG denuncia que hai granxas con problemas para cobrar a PAC por culpa dos procesos de concentración parcelaria

    26 de Decembro do 2018 · 

    O Sindicato Labrego Galego solicitará unha entrevista con responsábeis da Consellaría de Medio Rural para denunciar o impago das axudas da PAC a granxas que están afectadas por procesos de concentración parcelaria. Trátase dun problema xeneralizado en toda Galiza e no que a Consellaría de Medio Rural está a demostrar a máis absoluta desidia, deixando as granxas afectadas á súa sorte.

  2. Vítor Fernández

    Vítor Fernandez, Casa do Neiro: "Facemos pastoreo día e noite porque é o mellor para as vacas e para nós"

    20 de Decembro do 2018 · 

    Vítor é un mozo de 33 anos que, coma moitos do rural, tentaron buscar mellores oportunidades fóra da aldea. Tras dez anos traballando como comercial, tivo que regresar á casa de Esmoriz (Chantada) e facerse cargo dunha granxa de leite cando “nunca muxira unha vaca”. Dende o primeiro minuto, sentiuse apaixonado polo traballo gandeiro, pero tamén contrariado por ter que organizalo baixo as directrices dun modelo produtivista pensado por e para o beneficio da industria a costa do benestar dos animais e das persoas. Nesta entrevista, Vítor cóntanos como nadou contracorrente para poder vivir dignamente el e súa nai, hoxe en día, muxindo pouco máis de vinte vacas en réxime de pastoreo.

  3. Vacas no monte

    Frouma publica o estudo "Territorios en común: Casas con fume, montes sen lume", sobre o monte veciñal na Galiza

    20 de Decembro do 2018 · 

    O 20 de decembro, presentouse no local da CMVMC de Balouta e Fontecova (Dodro) Territorios en común: casas con fume, montes sen lume. Trátase dun completo estudo promovido pola Asociación Frouma no que Lara Barros Alfaro (historiadora) e Diego Sánchez Agra (enxeñeiro forestal) afondan na historia e evolución dos montes veciñais e en man común na Galiza, con especial fincapé nos da provincia da Coruña e na función preventiva contra os lumes forestais que desempeñan. Este proxecto conta co financiamento da Deputación da Coruña. Se che interesa, podes descargar a obra premendo na icona que atoparás nesta páxina.

  4. Mel

    O Sindicato Labrego Galego responde a enquisa do Ministerio de Agricultura sobre a etiquetaxe do mel

    18 de Decembro do 2018 · 

    Até o este mércores 20 de decembro está aberta unha consulta pública do Ministerio de Agricultura sobre a implantación e obriga dunha etiquetaxe máis detallada da orixe de mel. É importante que os consumidores e consumidoras teñamos información clara sobre a orixe dos produtos que mercamos, e os produtores e produtoras a oportunidade de defendernos ante as importacións masivas de mel de baixa calidade.

  5. Cadea de valor

    O Goberno esquece o sector produtor para defender só as grandes distribuidoras na regulación da venda a perdas

    17 de Decembro do 2018 · 

    O Sindicato Labrego Galego lamenta a falla de compromiso demostrada pola Xefatura do Estado cos labregos e labregas no Real Decreto Lei 20/2018 de Medidas Urxentes para o Impulso da Competitividade Económica na Industria e Comercio. Coa súa publicación, e coa regulación da prohibición da venda a perdas, o Goberno volve lexislar para as grandes empresas e perde unha oportunidade de reforzar e protexer a posición do sector produtor.

  6. Concentración apícola

    SLG e AGA esixen unha etiquetaxe transparente para o mel de cara a evitar a venda fraudulenta de produtos foráneos

    11 de Decembro do 2018 · 

    A Coordinadora de Organizacións Agrarias e Gandeiras (COAG) organizou unha campaña de accións en 18 cidades do Estado para denunciar a normativa que regula a etiquetaxe do mel, por amparar a fraude e prexudicar directamente o mel de calidade dos nosos apicultores e das nosas apicultoras.Na Galiza, fomos o Sindicato Labrego Galego e a Asociación Galega de Apicultura as organizacións encargadas de secundar esta mobilización, cunha concentración no Centro Comercial As Cancelas, en Compostela. De seguido, compartimos con vós o manifesto:

  7. Mel COAG

    SLG e AGA farán unha protesta o 11 de decembro en Compostela en defensa do noso mel

    5 de Decembro do 2018 · 

    O sector apícola da Coordinadora de Organizacións Agrarias e Gandeiras (COAG), da que forma parte o Sindicato Labrego Galego, organizou unha serie de mobilizacións para o 11 de decembro en Almería, Córdoba, Guadalaxara, Xaén, As Palmas, Logroño, Málaga, Menorca, Murcia, Oviedo, Pamplona, Salamanca, Santander, Santiago de Compostela, Sevilla, Tenerife, Valencia e Zaragoza, para denunciar os abusos da industria do mel a produtores e produtoras, por unha banda, e ás persoas que consumen, por outra.

  8. Sen prexuízos no rural

    O SLG fixo tres obradoiros para traballar polos dereitos das mulleres que sofren violencia e do colectivo LGTBIQ

    4 de Decembro do 2018 · 

    A finais de novembro, baixo o título “Sen prexuízos no rural”, a Secretaría das Mulleres do Sindicato Labrego Galego rematou unha serie de tres obradoiros cos que tentamos achegarnos máis á realidade que sofren as mulleres que padecen situacións de violencia e ás persoas dos colectivos LGTBIQ que viven no rural, especialmente o da comarca compostelá. Esta actividade fíxose co apoio económico da Concellaría de Igualdade do Concello de Santiago, e contou co acompañamento da facilitadora Tareixa Ledo Regal.

  9. Foro Agroecoloxía

    O III Foro Labrego de Agreocoloxía no Fouce 322: Proxectos agroecolóxicos coa forza das redes e do colectivo

    3 de Decembro do 2018 · 

    A falta de espazo no Fouce 322 fixo que non puidésemos darlle unha extensión suficiente a varios contidos do III Foro Labrego de Agroecoloxía que foron do máis interesante. Un bo exemplo é o da palestra de proxectos agroecolóxicos celebrada o primeiro día, que convocou catro experiencias do máis diverso co denominador común de seren iniciativas cooperativas ou colectivas. De seguido, compartimos con vós o texto íntegro orixinal que tivemos que resumir para publicar na edición impresa do Fouce.

  10. II Festival Son Labrego

    O II Festival Son Labreg@ no Fouce 322: "Sangue novo para pór a andar a agroecoloxía e a cultura no rural"

    30 de Novembro do 2018 · 

    No Fouce 322, publicamos unha crónica de dúas páxinas sobre os principais contidos que encheron as palestras do II Festival Son Labreg@. Esas dúas páxinas quedaron curtas, polo que agora compartimos con vós o texto orixinal ampliado no que damos voz a labregos e labregas como Alberte Santín, Ana Corredoria, Xosé García ou Mónica Llenderrozos; e a activistas culturais do rural como Anxo Moure, Lola Tourón, Xosé Bocixa ou Vanesa Castro. 

  1. 1
  2. 2
  3. 3
  4. 4
  5. 5
  6. 6
  7. 7
  8. Seguinte