Trala xuntanza celebrada a pasada noite en Lugo entre a conselleira de Medio Rural, Rosa Quintana, e un grupo de gandeiros; e tras saber que a política popular non anunciou ningunha nova medida que contribúa a solucionar a crise do sector lácteo; dende o Sindicato Labrego Galego reafirmámonos en continuar coas mobilizacións até que os gobernos de Galiza, do Estado e da Unión Europea lexislen para defender os intereses dos produtores e das produtoras fronte aos abusos e o espolio a que están a ser sometidos e sometidas, impunemente, pola industria e pola distribución.
Hoxe, 4 de setembro, rematou en Teo o seminario internacional sobre o sector lácteo organizado polo grupo parlamentario da Esquerda Unitaria Europea-Esquerda Verde Nórdica (GUE/GNL), dacabalo do Parlamento Europeo (Bruxelas) e da Casa Común de Oza (Teo, A Coruña), e baixo o título “A crise do sector lácteo galego no contexto europeo e internacional”.
O Sindicato Labrego Galego advirte que as axudas anunciadas polo Ministerio de Agricultura, consistentes en subvencionar con 300 € por vaca aquelas granxas que estean a sufrir perdas polos baixos prezos do leite, poden ser un paliativo temporal do problema pero nunca a solución.
Unha comitiva do Sindicato Labrego Galego formada por 25 gandeiros e gandeiras do sector lácteo e encabezada pola súa secretaria xeral, Isabel Vilalba Seivane, viaxaron ao Parlamento Europeo (Bruxelas) para participar, dende hoxe, 2 de setembro, no seminario internacional “Impacto da liberalización do sector lácteo. Que futuro?”, organizado por Esquerda Unitaria Europea-Esquerda Nórdica (GUE/NGL).
O Sindicato Labrego Galego, como organización integrante da Plataforma en Defensa do Sector Lácteo Galego, apoia a manifestación e a tractorada que os gandeiros e gandeiras van facer mañá, 3 de setembro, en Lugo. Expresamos o noso apoio tras meses de negociacións coa Consellaría de Medio Rural e co Ministerio de Agricultura, sen que ningún destes organismos teña feito nada aínda por solucionar que as nosas granxas sigan a cobrar o leite a prezos de miseria, moi por baixo dos custes de produción.
O vindeiro 7 de setembro, coincidindo coa celebración do Consello Ministerial de Agricultura da Unión Europea en Bruxelas, a Coordinadora Europea da Vía Campesina (ECVC), da que forma parte o SLG, e o European Milk Board (EMB), manifestaranse para denunciar a situación insostible na que levan meses miles de explotacións, na Galiza e no resto de Europa, debido á caída de prezos e a falla de control sobre a produción pola eliminación do sistema de cotas.
Proseguindo as mobilizacións protagonizadas polo sector lácteo galego neste mes de agosto, hoxe serán as localidades de Curtis e Teixeiro as que contemplen ao mesmo moverse pola súa supervivencia.
Despois das mobilizacións protagonizadas polo sector lácteo galego nas últimas semanas, que deron comezo na espectacular manifestación do 17 de xullo en Compostela, e que proseguiron con mobilizacións en capitais de importantes comarcas gandeiras, hoxe é a vez de Sarria.
Marcando unha liña de continuidade das mobilizacións protagonizadas polo sector lácteo galego ao longo deste mes de Agosto , hoxe a cita e en Ordes, outra das capitais de comarca cuio sector lácteo sustenta gran parte da economía comarcal.
Continuando coas mobilizacións protagonizadas polo sector lácteo galego nas últimas semanas, que deron comezo na manifestación do 17 de xullo en Compostela, e que proseguiron con mobilizacións en capitais de importantes comarcas gandeiras, como Santa Comba ou Chantada e Lalin , hoxe a cita e en Vilalba, capital da terra Cha .