A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. 2014

Novas: 2014

  1. Publicamos o segundo Fouciño especial da era Covid19 coas novidades das dúas últimas semanas

    Fouciño covid 2 18 de Maio do 2020 · 

    O Sindicato Labrego Galego vén de publicar o segundo número do seu boletín electrónico especial en tempos de pandemia. Nesta ocasión, ademais dun resume das principais novas relacionadas co SLG nas dúas últimas semanas, tamén recuperamos a tradicional sección de anuncios que ocupaba a penúltima páxina do Fouce e un novo apartado con demandantes e emprego agrario. Podes descargalo na icona que atoparás a continuación:

  2. O SLG interpela ao Concello de Vilalba sobre o Feirón e polas normas contraditorias nas feiras semanais

    Concello de Vilalba 16 de Maio do 2020 · 

    O Sindicato Labrego Galego vén de rexistrar unha instancia dirixida ao Concello de Vilalba (podes descargar o documento orixinal na icona que atoparás no remate desta páxina) para que aclare se a reapertura das feiras semanais inclúe tamén o Feirón mensual, que debería celebrarse o vindeiro martes 19 de maio. Ademais, en vista de como se reabriron as feiras semanais, mesturando diferentes normativas e creando unha grande confusión entre as persoas que participan nelas, tamén lle pediu que aclare os criterios de participación por parte dos produtores e produtoras que poden vender.

  3. O SLG pide a Medio Rural axudas para apoiar as granxas galegas desasistidas polo Estado na crise do Covid

    Axudas de minimis 14 de Maio do 2020 · 

    Dende a declaración do estado de alarma, o sector alimentario estivo en activo para garantir o abastecemento de alimentos para a cidadanía. Dentro del, as granxas galegas tamén continuaron coa súa actividade. Porén, boa parte delas atópanse completamente desasistidas porque ou ben non se contempla ningunha axuda dende o Estado para compensar as perdas económicas que están a sufrir a causa das restricións, ou ben as que se articulan resultan insuficientes para as nosas explotacións.

  4. As granxas de leite galegas perderon 160 millóns de euros en 2019 por vender por baixo dos custes de produción

    Prezo leite 12 de Maio do 2020 · 

    O Estudo de Custes e Rendas das Explotacións Agrarias (Ecrea) do sector lácteo correspondente ao ano 2017 fixa en 39 céntimos o custe medio para producir un litro de leite de vaca nunha granxa galega, un valor moi afastado dos 32,3 céntimos que cobraron as nosas granxas en marzo1. Se utilizásemos este custe de produción, que se incrementou nos últimos anos, e calculamos o diferencial do que perderon as nosas granxas por non ingresar eses cartos, só en 2019 o sector lácteo galego deixou de ingresar case 160 millóns de euros (159.596.767 €), o que supón unha media de máis de 13 millóns de euros por mes (13.299.730 €)2.

  5. O SLG denuncia a desidia do Concello de Vilalba á hora de reabrir os mercados semanais de produtos labregos

    Grelos 11 de Maio do 2020 · 

    A pesares de que se poden realizar feiras con venda directa de produtos agrogandeiros dende o 4 de maio na Galiza, o Concello de Vilalba non fixo aínda nada para reactivar as que son da súa competencia, como o mercado semanal dos martes, que se debería celebrar mañá, ou o feirón da semana que vén, o 19 de maio. Porén, dende o SLG non temos constancia de que o consistorio vilalbés se puxese en contacto cos labregos e labregas que venden habitualmente nestes mercados.

  6. SLG e FRUGA esixen un cambio de rumbo na Delegación do Goberno tralo erro de prohibir os mercados alimentarios

    Delegación do Goberno 8 de Maio do 2020 · 

    Tras as críticas realizadas onte, 7 de maio, polo SLG e a FRUGA contra a prohibición dos mercados alimentarios de proximidade por parte da Delegación do Goberno en Galiza, pedindo a dimisión do delegado, Javier Losada; hoxe, 8 de maio, asistimos abraiados á publicación dun tweet onde sen informa, dende o máximo representante da Moncloa na nosa terra, que: Atendiendo al permiso de la Xunta sobre mercados, dentro del compromiso de cogobernanza y consultada la Abogacía del Estado, se entiende que aquellos dedicados a venta de alimentos y productos de primera necesidad pueden celebrarse, respetando las medidas de seguridad sanitaria”.

  7. SLG e FRUGA piden a dimisión do delegado do Goberno en Galiza por prohibir os mercados de proximidade

    Javier Losada 7 de Maio do 2020 · 

    O Sindicato Labrego Galego (SLG) e a Federación Rural Galega (FRUGA) queremos expresar o noso máis enérxico rexeitamento ao torpedeo permanente que a Delegación do Goberno en Galiza está a perpetrar contra calquera iniciativa relacionada coa reactivación dos mercados alimentarios de proximidade ao prohibir, a través da Subdelegación da Coruña, a celebración de feiras de produtos labregos en vilas como Carballo, Sada, Teo ou Betanzos.

  8. O SLG comeza a publicar un boletín informativo electrónico para substituír temporalmente a edición impresa do Fouce

    Portada Fouciño Covid 1 6 de Maio do 2020 · 

    Debido á extraordinaria situación que estamos a vivir, baixo as restricións dun estado de alarma para conter a pandemia do coronavirus, dende o Sindicato Labrego Galego tomamos a decisión de deixar de publicar temporalmente a edición impresa do Fouce. No seu lugar, enviaremos periodicamente o Fouciño, un boletín informativo para difundir vía electrónica. De seguido, compartimos contigo o primeiro número agardando que todo volva á normalidade o máis axiña posible. Podes descargalo na icona que atoparás a continuación:

  9. O SLG pregunta a sete concellos pola reapertura dos mercados alimentarios de proximidade na Terra Chá

    Feira en Galiza 6 de Maio do 2020 · 

    A coordinadora do Sindicato Labrego Galego na Terra Chá, Margarida Prieto Ledo, rexistrou onte, 5 de maio, unha instancia dirixida aos concellos de Vilalba, Xermade, Cospeito, Castro de Rei, Muras, Abadín e Guitiriz preguntado polos mercados alimentarios non sedentarios que se celebran periodicamente nos seus termos municipais. En concreto, interpélase aos gobernos municipais para que aclaren se van seguir celebrando estes mercados nos mesmos lugares e cos mesmos horarios que antes da súa prohibición a causa da declaración do estado de alarma.

  10. A Xunta tenta aproveitar o estado de alarma para sacar adiante 1.000 proxectos industriais controvertidos

    Alerta ambiental 5 de Maio do 2020 · 

    O Consello da Xunta do xoves 30 de abril do 2020 aprobou reactivar a tramitación administrativa en materia de valiación ambiental de 975 proxectos que estaban paralizados polo Estado de alarma. Froito diso, e cando aínda xiste unha seria crise sanitaria e a poboación segue confinada e sen poder desenvolver as súas actividades de forma ormalizada, a Xunta de Galicia dita unha Orde, publicada no DOG deste 4 de maio, para que comecen a correr os prazos de exposición pública destes proxectos industrias de grande impacto.

  11. Novidades normativas na Fase 0 do proceso de desescalada no estado de alarma pola pandemia do Covid-19

    SLG informa 4 de Maio do 2020 · 

    Nos últimos días publicáronse varias novidades normativas no BOE e no DOG que afectan a cuestións de importancia como a autorización dos mercados alimentarios de proximidade na Galiza ou o acceso ás hortas de autoconsumo. Se queres coñecelas, descarga o boletín "SLG informa" premendo na icona que atoparás a continuación:

  12. O SLG intermedia con Medio Rural para buscar saída a máis de 1'5 millóns de quilos de pataca de 11 produtores na Limia

    Pataca Limia 4 de Maio do 2020 · 

    O Sindicato Labrego Galego dirixiuse, o 30 de abril, á Consellaría de Medio Rural para facerlle entrega dunha lista de once produtores e produtoras da Limia (Xinzo, Sandiás e Vilar de Barrio) que teñen almacenados máis de 1'5 millóns de quilos de pataca sen saída comercial aos que non se lles está a ofrecer ningún tipo de apoio ou axuda.

  13. O SLG pide medidas de apoio contra a crise do viño e critica as restricións absurdas na viticultura de autoconsumo

    Viñedos 29 de Abril do 2020 · 

    O Sindicato Labrego Galego quere expresar a súa disconformidade con que se siga impedindo o coidado dos viñedos para autoconsumo ou como actividade non profesional, limitando o acceso só para ribeiras que están no mesmo termo municipal da persoa titular ou a cinco quilómetros como máximo se están noutro concello. Ademais, pide que se activen axudas para apoiar o sector na forte crise que está sufrindo antes de que sexa demasiado tarde.

  1. PDR 2014-2020

    O SLG urxe á conselleira de Medio Rural a convocar unha xuntanza para pór en marcha o PDR 2014-2020 neste 2015

    24 de Decembro do 2014 · 

    Diante do rexeitamento do Plan de Desenvolvemento Rural (PDR) 2014-2020 por parte da Comisión Europea, o Sindicato Labrego Galego vén de solicitar formalmente unha xuntanza coa conselleira de Medio Rural, Rosa Quintana, para tratarmos de poñer canto antes en marcha esta importante vía de financiamento para moitos dos nosos sectores agrogandeiros e forestais.

  2. Bruxelas

    A loita contra o acaparamento de terras na Galiza chega a Bruxelas e ao Parlamento Europeo

    12 de Decembro do 2014 · 

    O Sindicato Labrego Galego participou, o 10 e o 11 de decembro, nun foro sobre o acaparamento de terras na Galiza celebrado na sede do Parlamento Europeo, en Bruxelas, e auspiciado pola eurodeputada de Alternativa Galega de Esquerdas (AGE), Lidia Senra. Neste punto de encontro, xuntámonos diversas organizacións e colectivos para dialogar e debater ao redor das loitas en defensa do noso territorio que se están a desenvolver en todo o país. De seguido, compartimos con vós, a xeito de resume, a crónica da segunda xornada. O texto e as fotografías son da xornalista Vera Cruz Montoto:

  3. Elia

    A vocal do SLG no Craega, Elia Rodríguez, intervén como experta na Comisión de Agricultura e Desenvolvemento Rural do Parlamento Europeo invitada por AGE

    4 de Decembro do 2014 · 

    Co obxectivo de discutir varios aspectos do proxecto de novo regulamento relativo á produción ecolóxica e etiquetaxe de produtos ecolóxicos da Comisión Europea, a Comisión de Agricultura e Desenvolvemento Rural do Parlamento Europeo realizou, o 3 de decembro, unha audiencia pública baixo o título "O regulamento relativo á produción ecolóxica e etiquetaxe dos produtos ecolóxicos". Alí estivo Elia Rodríguez Vázquez, labrega da Mariña que é vocal no Consello de Agricultura Ecolóxica de Galiza (Craega). Elia foi invitada pola agora eurodeputada de Alternativa Galega de Esquerda en Europa (AGEe), Lídia Senra; quen, na súa responsabilidade como Coordinadora do GUE/NGL para a Comisión de Agricultura, apostou por ela como experta con máis de vinte anos de experiencia na produción ecolóxica de Galiza.

  4. Cendán e Vilalba no 29N

    29N/Marchas da Dignidade: Polo teito, o traballo e o dereito a producir o pan das galegas e dos galegos

    30 de Novembro do 2014 · 

    As Marchas da Dignidade volvemos mobilizar unha parte importante da sociedade galega, a daquelas cidadás e aqueles cidadáns que nos estamos a rebelar contra a versión máis inhumana e salvaxe do neoliberalismo coa que nos tentan xunguir dende diversas administracións e gobernos. Todo en nome dunha terxiversada e asasina austeridade coa que non estamos dispostos e dispostas a comungar.

  5. Ocupa o Obradoiro

    29N: O SLG convoca aos labregos e labregas de Galiza para ocupar o Obradoiro en demanda de traballo, teito e o dereito a producirmos o pan dos galegos e das galegas

    27 de Novembro do 2014 · 

    O Sindicato Labrego Galego apoiará a ocupación da praza do Obradoiro este sábado, 29 de novembro, por parte das Marchas da Dignidade, movemento cívico do que formamos parte; e convoca aos labregos e ás labregas de Galiza a apoiar esta mobilización contra as políticas neoliberais e de recortes dos gobernos que nos afectan a todos e a todas.

  6. Globos

    25 de novembro, Día Internacional contra a Violencia ás Mulleres. Comunicado de SLG e Vía Campesina

    25 de Novembro do 2014 · 

    Hoxe, 25 de novembro, Día Internacional contra a Violencia ás Mulleres, o Sindicato Labrego Galego e a Vía Campesina denunciamos a violencia estrutural que as mulleres afrontan de xeito cotián e que vén sendo sistematicamente silenciada, naturalizada e invisibilizada pola sociedade capitalista e patriarcal.

  7. Cabeceira Fouce 304

    Alianzas por un mundo rural vivo na portada do Fouce 304

    21 de Novembro do 2014 · 

    O Fouce 304 correspondente aos meses de setembro e outubro está a piques de chegar ás casas. Desta vez, destacamos en portada tres eventos que tiveron como escenario de celebración a nosa Galiza e serviron para reforzar as nosas alianzas: o Seminario de Agroecoloxía feito con compañeiros e compañeiras de toda Europa para analizar novos xeitos de achegar os alimentos á cidadanía, o IX Foro por un Mundo Rural Vivo e o II Encontro sobre os Impactos da Minaría na Galiza. 

  8. Isabel Vilalba

    Isabel Vilalba denuncia que a Comisión Europea e os gobernos comunitarios seguen sen crear mecanismos para garantir prezos dignos no leite

    20 de Novembro do 2014 · 

    A secretaria xeral do Sindicato Labrego Galego, Isabel Vilalba Seivane, participou, o 19 de novembro, no Grupo de Diálogo Civil para o Sector Lácteo (Civil Dialogue Group on Milk), que se celebrou en Bruxelas convocado pola Comisión Europea. Isabel Vilalba formou parte deste grupo consultivo como unha das representantes da Coordinadora Europea da Vía Campesina.

  9. Manifestación ORGACCMM

    O SLG apoia a manifestación contra a tentativa da Xunta de privatizar a xestión dos nosos montes

    20 de Novembro do 2014 · 

    O Sindicato Labrego Galego quere expresar o seu total apoio á manifestación convocada pola Organización Galega de Comunidades de Montes (ORGACCMM), o vindeiro 22 de novembro, contra a tentativa de privatizar o noso monte comunal por parte da Xunta. Dende ORGACCMM, denuncian que, en virtude da Lei de Montes de Galicia, se no mes de agosto do ano 2016, as comunidades de montes que teñen os seus montes veciñais consorciados ou conveniados, non pagan o saldo debedor que teñen, estarán obrigadas a asinar un contrato de xestión que, ao contrario do que acontecía até agora, poderá ser cunha empresa forestal privada.

  10. Isabel Vilalba

    contraMINAcción reafírmase na súa loita contra a minaría salvaxe e solidarízase con Marcos Celeiro

    11 de Novembro do 2014 · 

    Se algo quedou claro no II Encontro sobre os Impactos da Minaría en Galiza é que todo o noso territorio está ameazado pola proliferación de proxectos mineiros en fase de permiso solicitado, concedido, de exploración, etcétera, que se suman ás explotacións de mineral xa en activo.

  1. 1
  2. 2
  3. 3
  4. 4
  5. 5
  6. 6
  7. 7
  8. Seguinte