23 de Maio do 2009
Representantes do Sindicato Labrego Galego, entre as que se atopan a secretaria xeral do SLG, Carme Freire, e a responsábel do sector leiteiro, Lupe Prado, canda varias gandeiras e gandeiros, manteñen retido nunha explotación en Piñeira (Ribadeo) o camión-nodriza de recollida, propiedade de Lácteos Lence, que na mañá de hoxe deixou dúas explotacións da comarca da Mariña de Lugo sen levarlle o leite.
Por medio de Alfonso Fuentes, alcalde de Barreiros, o SLG tivo constancia de que o conselleiro de Medio Rural, Samuel Juárez, xa coñecía o caso e contactara con Jesús Lence para que as dúas explotacións afectadas fosen reincorporadas á ruta de recollida.
O conselleiro de Medio Rural comprometeuse a contactar co SLG para dar conta do resultado desta xestión.
Dende o Sindicato Labrego Galego advertimos que se Lácteos Lence non dá marcha atrás na súa decisión, non se lle permitirá recoller máis leite nesta ruta.
| OBTERÁN MÁIS INFORMACIÓN CONTACTANDO CON Carme Freire Cruces, Secretaria Xeral do SLG, TLF: 619 348 426 Lupe Prado, Responsábel do Sector Lácteo do SLG, TLF: 685 805 783 Xesús Méndez López, gandeiro da comarca e membro da Dirección Nacional do SLG, TLF: 647 639 010 Lucas Veiga, gandeiro afectado pola suspensión de recollidas, TLF: 630 847 672 |
Sindicato Labrego Galego © 2008
Subvencionado pola Presidencia da Xunta de Galicia. Secretaría Xeral de Política Lingüística
