Asociacións veciñais de afectados e afectadas polos proxectos eólicos de toda Galicia, apelan á nova conselleira de Economía e Industria, María Jesús Lorenzana, a dialogar, atopar solucións á desastrosa xestión do departamento durante a xefatura de Francisco Conde, e acordar un desenvolvemento eólico sostible na nosa comunidade autónoma.

Os movementos veciñais agardan unha nova etapa que poña fin á situación xerada polo anterior conselleiro: confrontación coa cidadanía e intervencións xudiciais para emendar a política en materia eólica.

Lembran por exemplo, as sentenzas firmes do Tribunal Supremo e pendentes de execución respecto aos parques de Oribio (autorizado cunha declaración de impacto ambiental -DIA- “obsoleta e ineficaz”) e Sasdónigas (orden de desmantelamento do parque de Mondoñedo que leva catro anos funcionando a pesar de afectar ao Camiño de Santiago, xacementos e lagoas).

Agardan que Lorenzana non recorra e acepte as sentenzas do Tribunal Superior de Xustiza de Galicia, que impide a repotenciación e aumento de aeroxeradores no parque de Corme e anula a autorización da poligonal de Campelo por “fragmentación indebida”, unha práctica para ocultar as dimensións do prexuízo e esquivar maiores requirimentos coñecida, aceptada e mesmo alentada pola Xunta.

Piden dilixencia e firmeza á Administración no seu deber de velar polo cumprimento das normas e ditames: o TSXG ordeou medidas cautelares respecto aos parques de Bustelo, Monte Toural e Campelo, e a propia Consellería se enfronta a unha denuncia por neglixencia “in vigilando” no parque Acibal, en Moraña, onde se destruíu importante patrimonio cultural.

Solicitan asemade, a revocación da concesión “vía express” e outras irregularidades administrativas amparadas na Lei de Medidas Fiscais e Administrativas (como a “conxelación” dos dereitos fóra de prazo ata a obtención da Declaración e Impacto Medioambiental ou a garda dos depósitos económicos de garantía).

A Xunta de Galicia autorizou, antes do 23 de abril, 75 novos parques eólicos. Dos 36 proxectos ate hoxe coñecidos vía DOG, 30 xa teñen recursos de alzada presentados. Os afectados e afectadas recorrerán sucesivamente á vía xudicial ata paralizalos e conseguir unha planificación do sector acorde áo modo de vida e valores dos galegos e galegas.

Apoian:

ACOUGA: Asociación Galega de Consumidores e Usuarios

A Rente do Chan-Pladever

ADECOM - Asociación en defensa da Costa da Morte

Afectacion Ribeira Sacra, Ancares - Courel

Afectados de Paderne

Amil SEN Eólicos

Asociación Alegre

Asociación Ambiental Petón do Lobo

Asociación Amigos e Amigas dos Bosques "O Ouriol do Anllóns"

Asociación Cova Crea

Asociación Ecoloxistas en Acción "Atlántica e Verde" (10 grupos)

Asociación Gato-Seselle

Asociación Nove Refachos'

Asociacion Salvemos o Noso

Asociacioón Aire Limpo nas Mariñas Mandeo

Colectivo Foi polo Vento

Colectivo Un Vento Vén

Colectivo Veu Polo Aire

Comité de Defensa das Rías Altas

Encrobas viva

IEM - Instituto de Estudos Miñoráns

Monte Pindo Monte Natural

Plat para a Convivencia Ética coa Fauna Silvestre "Con Ética"

Plataforma Caíño Brancellao.

Plataforma Galega para a Defensa Animal e da Natureza

Plataforma Terra Chá

Plataforma Terra-Chá

Rede do Rural

Plataforma SOS Groba

REDE GALEGA STOP EÓLICOS

Roxín Roxal

Salvemos a Comarca de Ordes

Salvemos o Iribio

Salvemos o Val de Barcia e o Monte Xalo,

Sindicato Labrego Galego

SOS Serra da Groba

Veciños polo Rural.

Vendaval

Víctimas de la Justicia