A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. La Vía Campesina chama hoxe a unha xornada mundial de loita pola elimintación da violencia contra as Mulleres

La Vía Campesina chama hoxe a unha xornada mundial de loita pola elimintación da violencia contra as Mulleres

25 de Novembro do 2019

25N La Vía Campesina

Do 25 ao 30 de novembro de 2019, La Vía Campesina e, na Galiza, o Sindicato Labrego Galego, chama á Xornada mundial de loita pola eliminación da violencia contra as mulleres. Como cada ano, facemos esta convocatoria para seguir loitando por sociedades conscientes e ceibes, sen explotación dos seres humanos e da natureza. Asemade, denunciamos o sistema capitalista, heteropatriarcal, racista e colonizador, que explota, oprime e atenta contra a vida das mulleres e da humanidade.

Como La Vía Campesina, unímonos a todas as mulleres, pobos e identidades diversas que resisten, se organizan e loitan por acadar sociedades xustas, igualitarias, solidarias, dde amor pleno e respecto.

Nun escenario de violencia estrutural, fascismo e retrocesos de dereitos para a clase traballadora, e de maneira específica, para as mulleres, ano tras anos sentimos máis forte a man de quen explota, de quen acosa, de quen mata a pobres, mulleres e loitadores e loitadoras sociais.

É alarmante como medran as estatísticas sobre violencia física e sexual cara ás nenas, mulleres e identidades diversas a escala global. As violacións e feminicidios acontecen nunha atmosfera de impunidade e inxustiza da man do sistema machista e heteropatriarcal. Ademais, vemos con preocupación unha serie de retrocesos en canto a dereitos laborais e sociais, así como aumentan as cifras de mulleres en empregos temporais, cada vez máis precarizados e extenuantes.

As mulleres migrantes, desprazadas e en territorios en conflito, hoxe son vulnerábeis e están expostas a todo tipo de violencias e violacións dos seus dereitos, moitas usadas coma obxectos de guerras, obrigadas a servizos sexuais e vítimas de torturas para sobrevivir. Este ano, ademais, denunciamos a desaparición sistemáticas de lideresas sociais perseguidas, encarceradas e asasinadas pola súa loita en defensa dos seus territorios e dos seus dereitos en países como Brasil, Colombia, Honduras e Filipinas.

É por iso que La Vía Campesina, durante esta xornada, ratifica a súa consigna que expresa a tarefa política de dicir: Basta de violencia contra as mulleres! Tamén se mantén no seu compromiso de realizar accións, loitas permanentes e cotiás de enfrontamento a toda forma e expresión de violencia cara ás mulleres, como parte de afirmar a campaña internacional “Basta de violencia contra as mulleres” asumida como movemento en 2008.

Neste senso, como La Vía Campesina chamamos ás nosas organizacións membros, amigos e amigas e persoas e outras organizacións aliadas a unirse a esta semana de loita do 25 ao 30 de novembro realizando e organizando xunto a outros colectivos e movementos marchas, foros, feiras e demais accións de denuncia para esixir aos estados políticas públicas a favor dos nosos dereitos. Cómpre construír mecanismos de punición dos agresores e de acollemento das vítimas para crebar o ciclo da violencia contra a vida das mulleres.

Na Galiza,un obradoiro para traballar os procesos xudiciais da violencia machista no rural

Por parte da Secretaría das Mulleres do Sindicato Labrego Galego, colaboramos en Compostela cun obradoiro de traballo que organiza a Asociación Labregas baixo o título “Procesos xudiciais nun entorno machista”. Nesta actividade, que se celebrará o martes 26 de novembro, contaremos tamén coa Asociación Rede de Mulleres Veciñais contra os Malos Tratos de Vigo, e reflexionarmos sobre os procesos de denuncia, acompañamento, informes, etc. en relación á violencia machista e analizaremos como se manifesta todo isto no entorno rural.

Internacionalicemos a loita, internacionalicemos a esperanza!

25N LVC