A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas

Novas

  1. O Sindicato Labrego Galego denuncia prácticas abusivas de Reny Picot na renovación dos contratos do leite

    Reny Picot 7 de Abril do 2020 · 

    Dende o Sindicato Labrego Galego tivemos constancia de que a empresa Reny Picot está a ofrecer ás granxas que lle abastecen de leite novos contratos por tres meses, unha práctica que roza a fraude xa que, aínda que a Lei da Cadea Alimentaria consínteo se hai acordo entre as dúas partes, todos e todas sabemos en que consisten os “acordos” no sector lácteo: extorsión das industrias ás granxas aproveitándose da súa posición de dominio na cadea de valor.

  2. 600 organizacións do Estado demandan medidas para paliar os impactos da crise do COVID19 na produción agroalimentaria de pequena escala

    Mercado San Agustín 30 de Marzo do 2020 · 

    O 4 de abril pechouse a carta para pedirlle ao Ministerio de Agricultura que se “diten as instrucións pertinentes ás comunidades autónomas e concellos para que se busquen solucións para os mercados non sedentarios de proximidade”. Ao final, xuntáronse case 600 apoios de organizacións e colectivos de todo o Estado a esta iniciativa.

  3. Máis de oitenta organizacións reclaman a reapertura dos mercados alimentarios de proximidade na Galiza

    Mercado de proximidade 27 de Marzo do 2020 · 

    Máis de oitenta organizacións galegas de diversos ámbitos, entre as que se atopa o Sindicato Labrego Galego, veñen de facer público un manifesto no que piden a reapertura dos mercados alimentarios de proximidade como garantes da seguridade alimentaria de Galiza no contexto actual de estado de alarma e emerxencia sanitaria pola pandemia do Covid-19.

  4. O SLG reclama á Axencia Tributaria o aprazamento das declaracións e liquidacións do primeiro trimestre no agro

    AEAT 26 de Marzo do 2020 · 

    O Sindicato Labrego vén de rexistrar un escrito dirixido á Axencia Tributaria (AEAT) no que lle pide “unha ampliación extraordinaria do prazo das declaracións e autoliquidacións correspondentes ao primeiro trimestre do exercicio 2020 para as actividades agrícolas e gandeiras” de maneira que se poidan presentar “conxuntamente coas declaracións e autoliquidacións do segundo trimestre do exercicio, sendo o remate do prazo o 20 de xullo”.

  5. Indignación pola cancelación do Mercado do Alimento Labrego de Teo polas autoridades gobernamentais

    Mercado de Teo 21 de Marzo do 2020 · 

    A menos de 24 horas de que, como cada sábado, se celebrase o Mercado do Alimento Labrego de Teo, a Garda Civil advertiu ao concello que non estaba permitido o desenvolvemento desta actividade de venda directa da que depende a economía de ducias de familias labregas da comarca compostelá. Isto provocou a indignación dos labregos e das labregas, pois contaban coa autorización do concello e as instrucións sanitarias necesarias para evitar contaxios.

  6. Preguntas e respostas dos sectores agrarios diante das restricións e prohibicións pola emerxencia sanitaria

    Interrogante 18 de Marzo do 2020 · 

    Estes días estánsenos a facer moitas preguntas para resolver dúbidas ás que non responden directamente os decretos que regulan restricións e prohibicións no estado de alerta e na emerxencia sanitaria. Para iso, fomos consultando con diversas institucións, dende a Policía á Consellaría de Medio Rural. Podes descargar o cuestionario coas respostas na icona que atoparás de seguido.

  7. SLG e Fruga piden a apertura dos mercados alimentarios de proximidade para garantir o acceso a bens esenciais

    Mercado San Agustín 18 de Marzo do 2020 · 

    O Sindicato Labrego Galego (SLG) e a Federación Rural Galego (Fruga) queremos facer un chamamento aos gobernos municipais de Galiza para que non pechen os mercados de alimentos de proximidade que se desenvolvan nos seus respectivos concellos, xa que se trata dunha actividade económica fundamental para todas aquelas familias labregas que optaron pola venda directa para comercializar as súas producións, asi como para as persoas consumidoras habituais.

  8. O SLG suspende a campaña “O rural galego sobre a mesa” diante da emerxencia sanitaria polo Coronavirus

    Campaña adiada 11 de Marzo do 2020 · 

    A dirección do Sindicato Labrego Galego, tras manter hoxe unha xuntanza extraordinaria, tomou a decisión de suspender, a partir de mañá, 12 de marzo, todas as actividades programadas no marco da campaña “O rural galego sobre a mesa”. Así, quedan suspendidas, entre outras, as palestras previstas en Ferrol, Chantada e Ribadeo; o video-faladoiro en Lugo; a concentración de protesta do 13 de marzo en Pontevedra; ou a manifestación para arrodear a Xunta de Galicia prevista para o vindeiro 17 de marzo.

  9. Comeza "O rural galego sobre a mesa" en Ourense cun posicionamento sobre a PAC e os xurros na Limia

    Charla Xinzo PAC 7 de Marzo do 2020 · 

    Tras poñerlle un marcado acento labrego á manifestación convocada por Galegas 8M o pasado 1 de marzo en Verín, o SLG continuou esta semana coas accións que ten programadas na campaña “O rural galego sobre a mesa” na provincia de Ourense. En concreto, o 6 de marzo, organizou unha charla aberta informativa sobre a reforma da Política Agraria Común (PAC) e como afectará esta a unha comarca eminentemente agraria como A Limia.

  10. O Sindicato Labrego celebrará esta fin de semana en Allariz e Verín o seu XV Encontro da Secretaría das Mulleres

    XV Encontro de Mulleres 28 de Febreiro do 2020 · 

    A Secretaría das Mulleres do Sindicato Labrego Galego organiza esta fin de semana, 29 de febreiro e 1 de marzo, o seu XV Encontro Anual que, desta vez, celebrarase dacabalo das vilas ourensás de Allariz e Verín. Nesta ocasión, un dos temas centrais do evento serán os servizos sanitarios e de saúde no medio rural e como o seu desmantelamento a causa dos recortes de fondos públicos afecta en maior medida ás mulleres.

  11. O SLG solidarízase con Manuel García, o labrego do Movemento Ecoloxista da Limia demandado por Coren

    MEL 28 de Febreiro do 2020 · 

    O Sindicato Labrego Galego quere expresar a súa solidariedade e apoio a Manuel García, labrego e activista do Movemento Ecoloxista da Limia (MEL), que vén de ser denunciado por Coren. Dende o SLG, cremos que Coren debería retirar a súa denuncia e afrontar unha xestión de residuos que se xa hai tempo que se lle foi das mans.

  12. O Sindicato Labrego Galego inicia unha campaña de accións para poñer o rural e a agricultura de Galiza sobre a mesa

    Isabel Vilalba 26 de Febreiro do 2020 · 

    O Sindicato Labrego Galego ofreceu hoxe, 26 de febreiro, unha rolda de prensa que supón o inicio dunha campaña de accións que, baixo o lema “O rural galego sobre a mesa”, pretende chamar a atención sobre a necesidade de poñer en marcha políticas dende todas as administracións dirixidas a dignificar a profesión labrega e a vida no campo. Na rolda de prensa participaron a secretaria xeral do SLG, Isabel Vilalba Seivane; e, por parte da Mocidade Labrega, Sonia Vidal Lamas e Santi Rodríguez Cid.

  13. 10 adegas acaparan o 60% dos máis de 4 millóns de euros das axudas de Medio Rural ao sector vitivinícola

    Viñopoly 21 de Febreiro do 2020 · 

    O Diario Oficial de Galicia publicou nas últimas semanas as resolucións das axudas convocadas en 2019, pola Consellaría de Medio Rural, para apoiar distintos aspectos da produción vitivinícola: reestruturación de viñedo, promoción en terceiros países e investimentos para elaboración e comercialización. Mentres que as axudas á reestruturación repártense entre máis solicitantes, 1.514.342 € entre 122 solicitudes; as outras dúas liñas son máis selectas: nas axudas para a promoción a terceiros países repartíronse 905.000 € entre 23 adegas; e para investimentos, case 2 millóns de euros entre 16.

  14. O SLG organiza dúas asembleas en Lugo e Compostela para seguir adiante coa demanda contra o cártel do leite

    Demanda cártel leite 19 de Febreiro do 2020 · 

    O Sindicato Labrego Galego organizará dous novos encontros centrados na demanda xudicial contra o cártel do leite, que se celebrarán en Compostela e Lugo os días 20 e 21 de febreiro respectivamente. Estas xuntanzas dan continuidade ao proceso de asembleas comarcais que o SLG levou a cabo, entre novembro e decembro do ano pasado, para informar ao sector lácteo da posibilidade de recorrer á vía xudicial para reclamar o diñeiro perdido polo pacto de prezos entre as industrias multadas por Competencia.

  15. O SLG achega correccións ás axudas para investimentos nas granxas que Medio Rural se compromete a corrixir

    DOG lupa 17 de Febreiro do 2020 · 

    O 28 de xaneiro, a Consellaría de Medio Rural publicou as bases para concorrer ás axudas para apoiar investimentos nas explotacións agrícolas, que establecen tres liñas principais: incorporación de mozos e mozas, plans de mellora e pequenas explotacións. Tras analizar polo miúdo as bases da convocatoria, os servizos técnicos do Sindicato Labrego Galego descubriron unha nova esixencia que non aparecía en anteriores convocatorias que, de non corrixirse, excluiría á maioría das granxas familiares de Galiza. Dende o SLG, así llo transmitimos á Consellaría de Medio Rural, que se comprometeu a corrixir os erros.

  16. O SLG avoga por introducir a problemática da titularidade compartida no Plan de Igualdade de Vilalba

    Titularidade compartida 15 de Febreiro do 2020 · 

    O Concello de Vilalba está traballando no terceiro Plan de Igualdade de Oportunidades entre Homes e Mulleres para o que convocou a diversas organizacións e colectivos da Terra Chá a un encontro de traballo o pasado xoves, 13 de febreiro. Por parte da Secretaría das Mulleres do SLG acudiu a nosa coordinadora na Terra Chá, Margarida Prieto Ledo, que propuxo desenvolver accións para afrontar a problemática da titularidade compartida.

  17. Unha vintena de colectivos reuniranse en Vilalba na Xornada Nacional en Defensa da Terra organizada polo SLG

    Xornada acaparamento de terras 5 de Febreiro do 2020 · 

    O Sindicato Labrego Galego organiza este sábado, 8 de febreiro, unha Xornada Nacional en Defensa da Terra, que terá lugar no local da Liga Santaballesa, na parroquia de Santaballa (Vilalba, Lugo). Con esta convocatoria, dende o SLG queremos tecer redes de ideas e accións con activistas e colectivos de toda Galiza e de diversos ámbitos para enfrontar un fenómeno, cada vez máis agresivo e crecente, como o do acaparamento de terras, que usurpa os predios en favor de actividades industriais e en detrimento da produción de alimentos e do uso e desfrute das comunidades rurais vinculadas ao territorio.

  1. Xornada Defensa Terra

    Unha trintena de organizacións e plataformas tecen redes para defender a terra da depredación e o acaparamento

    10 de Febreiro do 2020 · 

    O Sindicato Labrego Galego celebrou, o 8 de febreiro, no local social da Liga Santaballesa (Santaballa, Vilalba), o primeiro Encontro Nacional para a Defensa da Terra, onde se citaron organizacións e colectivos que, dunha maneira ou outra, loitan contra o acaparamento de terras na Galiza.

  2. SOS Sanidade Pública

    O SLG apoia a manifestación de SOS Sanidade Pública para rematar cuns recortes sanitarios que se ceban co rural

    6 de Febreiro do 2020 · 

    O Sindicato Labrego Galego apoia a manifestación convocada por SOS Sanidade Pública deste domingo, 9 de febreiro, en defensa do sistema sanitario público galego e dunha atención primaria digna. Os problemas da sanidade pública causados polos permanentes recortes agudízanse nos puntos de atención continuada das zonas rurais e, en especial, nos hospitais comarcais, que acusan aínda máis a falla de recursos materiais e humanos, o que se traduce nun deterioro dos servizos sanitarios e da saúde de usuarios e usuarias máis que preocupante en amplas zonas da Galiza rural.

  3. RdP Mina Touro

    886 DÍAS BERRANDO “MINA NON”

    31 de Xaneiro do 2020 · 

    As organizacións e colectivos que temos loitado contra a apertura do megaproxecto de extracción de cobre nos concellos de Touro e O Pino convocamos aos medios de comunicación a unha rolda de prensa que se celebrou, o venres 31 de xaneiro, ás 11 da mañá, en Carril, na C.A.D. Gato Negro, para valorar as últimas novas relacionadas co proxecto promovido por Cobre San Rafael e analizar a situación actual e os pasos a dar.

  4. Tractor 10

    O SLG presenta ao Goberno un decálogo en defensa do rural, da produción de alimentos e da profesión labrega

    28 de Xaneiro do 2020 · 

    O Sindicato Labrego Galego vén de elaborar un decálogo de medidas imprescindibles para revitalizar o medio rural e facer da agricultura e da produción de alimentos o seu principal motor económico. Este decálogo constitúe unha táboa reivindicativa irrenunciable para defender pola nosa organización diante de todas as institucións con responsabilidades nas politicas agrarias, e tamén un eixe fundamental na nosa campaña de mobilizacións "O rural galego sobre a mesa".

  5. Obras na casa de Pilar

    O Concello eliminará a barreira que mantén inmobilizada a unha veciña de Abadín tras pasar o caso a mans da Fiscalía

    24 de Xaneiro do 2020 · 

    Tras seis anos de loita, Pilar Fernández, muller con mobilidade reducida que se veu enclaustrada por culpa dunhas obras do Concello de Abadín, viu por fin chegar os obreiros esta semana para eliminar a barreira arquitectónica que lle impedía saír da súa casa en O Coto (Abeledo). As obras levarán tan só tres días, o que indica que non foi precisamente a súa complexidade a que mantivo a Pilar nunha dependencia absoluta doutras persoas para poder entrar e saír do seu propio domicilio durante máis dun lustro. Que moveu ao alcalde, o popular José María López Rancaño, a ordenar o inicio das obras tras seis anos teimando en non facelas?

  6. Suplemento Agroecoloxía

    Suplemento especial do IV Foro labrego de Agroecoloxía

    22 de Xaneiro do 2020 · 

    Como ben sabedes, no Fouce 329 publicamos un suplemento especial cun resume dos contidos do IV Foro Labrego de Agroecoloxía, celebrado no Convento Franciscano de Herbón os días 16 e 17 de novembro. Agora, vimos de publicar por separado ese suplemento, que podes descargar na icona que atoparás nesta páxina.

  7. Sementeira de euros

    O SLG desmárcase das organizacións agrarias estatais e defende a suba do Salario Mínimo Interprofesional no agro

    21 de Xaneiro do 2020 · 

    O Sindicato Labrego Galego, diante da posición contraria á suba do salario mínimo interprofesional (SMI) das tres principais organizacións agrarias do Estado, quere manifestar o seu total desacordo con esa postura. Pola contra, o Sindicato Labrego apoia a suba do SMI de maneira rotunda, clara e inequívoca porque manter o salario mínimo no nivel actual supón legalizar a pobreza e a exclusión social e económica de miles de traballadores e traballadoras do agro.

  8. Xornada acaparamento de terras

    O SLG convoca un encontro nacional para articular a defensa contra o acaparamento de terras na Galiza

    21 de Xaneiro do 2020 · 

    O vindeiro 8 de febreiro, o Sindicato Labrego Galego organiza unha xornada de encontro entre persoas e colectivos que están a loitar, dunha maneira ou outra, contra o acaparamento de terras. Eucaliptos, minaría, urbanización salvaxe, parques eólicos, privatización de montes comunais...  Galiza leva décadas sufrindo un proceso brutal de acaparamento de terras que socava a nosa soberanía alimentaria e nos condena a ser un dos territorios con menor superficie agraria da UE. Con esta convocatoria, dende o Sindicato Labrego Galego queremos tecer redes de ideas e accións para virar esta tendencia e facer que a nosa terra volva ser o sustento vital dos galegos e das galegas, e non un coto privado para a depredación de grandes empresas.

  9. Sector Lácteo

    O SLG pide a Mesa do Leite ante a conxelación dos prezos máis baixos do Estado na Galiza nun contexto de alza

    20 de Xaneiro do 2020 · 

    O silencio e carencia total de iniciativas por parte da Consellaría de Medio Rural no sector lácteo fai que as industrias estean aproveitando o baleiro para extorsionar de novo ás granxas, obrigándoas a asinar contratos que conxelan os prezos nunha situación de alza xeneralizada. Ademais, os diversos indicadores subliñan que Galiza segue a ser a comunidade do Estado co prezo medio máis baixo (32,6 céntimos en novembro de 2019), a única que non supera os 33 céntimos, e moi lonxe da media española (34 céntimos) ou europea (35'31 céntimos).

  10. Estragos rata toupa

    O SLG alerta sobre ataques directos das ratas toupa ás granxas e pide a prohibición da caza do raposo na zona

    17 de Xaneiro do 2020 · 

    Os últimos informes elaborados sobre a incidencia da rata toupa que está a causar estragos na montaña lucense constatan que están afectadas máis de 1.600 hectáreas, pero a cifra real podería chegar ás 2.000 segundo técnicos consultados polo SLG. Aínda que, até agora, os principais danos están a ser causados en praderías, dende o Sindicato Labrego Galego acabamos de recibir denuncias de estragos directos en granxas de Pedrafita do Cebreiro, con contiosas perdas na herba ensilada e na colleita de remolacha das granxas.

  1. 1
  2. 2
  3. Seguinte

Arquivo