A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Outras>
  4. 2015

Outras: 2015

  1. A Xunta volta disciminar ás labregas e labregos no acceso a axudas públicas: Programa Impacto Autónomo 2023

    autonomxs23 5 de Xaneiro do 2023 · 

    A concorrencia non competitiva prexudica ás persoas que carecen de equipamento ou con escasa cobertura de rede. O tope máximo de ingresos establecido no Programa Impacto Autónomo 2023 deixaría fóra a case tódalas granxas de carne

  2. O SLG acada o compromiso de revisión de oficio do complemento de alugueiro a unha muller con prestación non contributiva

    Cartaz solucións para as persoas dependentes 27 de Decembro do 2022 · 

    O SLG votou en contra do texto presentado no Consello Galego de Benestar Social na sesión do 21 de decembro, na que tamén se acadou a revisión de oficio do complemento de alugueiro. O novo proxecto para a tramitación da Dependencia non soluciona as listas de agarda e recorta prestacións

  3. O novo proxecto para a tramitación da Dependencia non soluciona as listas de agarda e recorta prestacións

    Marga 23 de Decembro do 2022 · 

    O SLG-CCLL vota en contra do texto presentado no Consello Galego de Benestar Social na sesión do pasado mércores 21. Restaura o silencio administrativo, malia ás sentenzas en contra da Xunta, incrementa demoras e non aborda a precariedade. 

  4. Solicitamos a revisión de oficio das denegacións do complemento de alugueiro a persoas con pensións non contributivas

    pensionsnoncontri 17 de Novembro do 2022 · 

    A denegación a unha muller maior que reside dende 1973 na mesma vivenda apunta discriminación deste colectivo vulnerábel. A vogal do SLG-CCLL no Consello Galego de Benestar Social alerta á Valedora do Pobo da posíbel existencia de máis casos

  5. Manifestación 19N en Compostela: Na defensa da vida digna, os servizos públicos e o Estado de Benestar

    RdP19N 16 de Novembro do 2022 · 

    As organizacións convocantes apelan á unidade para conformar unha forza plural que presione para garantir a protección social. Canda a defensa das pensións públicas, a Sanidade ou o Ensino a mobilización procurará fortalecer o apoio ás demandas do SAF

  6. Finaliza o Encontro europeo das articulacións de diversidades e mulleres da CEVC na Guarda

    Grupo_CEVC 4 de Novembro do 2022 · 

    A Coordenadora Europea Vía Campesina reuniuse do 1 ao 3 de novembro na Guarda co SLG-CCLL como organización anfitrioa. 40 persoas integrantes de organizacións europeas analizaron estratexias de fortalecemento interno e da loita labrega

  7. Segunda xornada do encontro das articulacións de mulleres e diversidades da CEVC

    aguarda021122 2 de Novembro do 2022 · 

    Feminismos, alianzas, loitas interseccionais, agroecoloxía e decolonización foron algúns dos eixos dos debates de hoxe. Alertouse do retroceso nos dereitos trans e analizáronse estratexias fronte á desvalorización das mulleres e da mocidade

  8. Encontro europeo das articulacións de diversidades e mulleres da CEVC na Guarda (Pontevedra)

    cevc 1 de Novembro do 2022 · 

    A Coordenadora Europea Vía Campesina reunirase do 1 ao 3 de novembro na Guarda co SLG-CCLL como organización anfitriona. 40 persoas integrantes de organizacións europeas analizarán estratexias de fortalecemento interno e da loita labrega

  9. “Froiteiras de Noso” Campaña de recuperación de froiteiras autóctonas na provincia de Lugo

    FroiteirasDeNoso 25 de Outubro do 2022 · 

    Reivindicamos a recuperación de froiteiras como unha estratexia imprescindíbel para avanzar cara a soberanía alimentaria. Solicitamos a colaboración cidadá para aportar información que facilite a localización e recuperación destas variedades

  10. O SLG insta ao concello da Fonsagrada a recoñecer a propiedade da veciñanza sobre 29 escolas unitarias

    Afonsagrada 28 de Septembro do 2022 · 

    Case unha trintena de construcións realizadas en terreos e con materiais aportados pola veciñanza, en risco de privatización. Veciñas/os testemuñan que o prego inicial de condicións incluía o dereito á recuperación do terreo e do inmoble pola comunidade

  11. O V Festival Son Labreg@ celebrarase en Visantoña e xirará arredor da crise enerxética

    V Son Labreg@ 9 de Septembro do 2022 · 

    O V Festival Son Labreg@, "Colapsa agora para evitar aglomeracións", terá lugar o 17 de setembro en Visantoña (Santiso). O Concello de Santiso e a Banda-Escola de Música de Visantoña colaboran co Sindicato Labrego Galego nesta edición. 

  12. O SLG organiza en Chantada dúas actividades formativas no sector gandeiro e agrario

    Curso con Antonio Tucci 7 de Septembro do 2022 · 

    O curso de gandería rexenerativa estase a desenvolver os días 6, 7 e 8 de setembro no local do SLG en Chantada. O 14 de setembro organizarase en Castro de Carballedo unha xornada para promover a incorporación das mulleres aos dereitos económicos do sector agrario.

  13. Falla de transparencia nas manobras da agroindustria SUREXPORT pra facerse con terras das CMVMC

    loentia2 30 de Agosto do 2022 · 

    Unha asamblea celebrada este sábado en Loentia confirmou que Directiva e empresa non queren dar información ás comuneiras. A área que presumíbelmente quere acaparar SUREXPORT é empregada arestora para pastos por nove granxas familiares

  14. Instamos ao C.G. de Benestar a actuar fronte as demoras na tramitación dos servizos de dependencia e discapacidade

    Dependencia 22 de Agosto do 2022 · 

    No Centro Base de Valoracións de Lugo os retrasos para novas valoracións e revisións das presentadas superan os 12 meses. As persoas e familias afectadas afrontan ademais prexuízos administrativos vinculados á non tramitación dos expedientes

  15. Solicitamos a priorización de tódalas familias “de especial consideración” na adxudicación de servizos de tempo libre

    NdP160822 16 de Agosto do 2022 · 

    Familias en situación de vulnerabilidade ou con persoas maiores, con discapacidade ou dependentes, concorren na quenda xeral. O SLG-CCLL dirixiuse ao Consello Galego de Benestar Social para apelar á modificación da Orde nas vindeiras convocatorias

  16. Fouce 339

    Fouce339 5 de Agosto do 2022 · 

    Xa está na rúa o número 339 do xornal sindical Fouce, correspondente aos meses de xullo e agosto. As recentes mobilizacións en demanda de prezos xustos para o agro que tiveron lugar na comarca da Limia, as últimas actualizacións ao respecto da invasión eólica, o seminario internacional "Agroecoloxía ou barbarie. Como nos maltrata a agroindustria" coordenado polo SLG-CCLL en Compostela e a participación en distintas mobilizacións sociais convocadas nestes últimos dous meses son algúns dos temas abordados.

  17. 25 Xullo, Día da Patria Galega: Soberanía para facer fronte á violencia do capitalismo neoliberal

    limia 25 de Xullo do 2022 · 

    O Sindicato Labrego Galego participará nas mobilizacións convocadas en Santiago de Compostela hoxe, 25 de xullo. Só a soberanía dos pobos pode situar a Vida no centro. Por unha Administración pública ao servizo da cidadanía e non do capital.

  18. OTAN: Gastar o erario público en armas, asasinar, ensinárnolo pola TV, manipularnos co medo e mercar máis armas cos nosos cartos

    OTANNON290622 29 de Xuño do 2022 · 

    A OTAN é a principal multinacional da guerra. A súa función é perpetuar as dinámicas de espolio colonial a favor de occidente. Máis conflictos nos territorios empobrecidos, máis violencia nas pantallas dos territorios enriquecidos: A morte como produto

  19. Migrantes atacados polos gobernos nas fronteiras: racismo institucional ao servizo do capitalismo neoliberal

    Melilla240622 27 de Xuño do 2022 · 

    Demandamos asistencia legal e sanitaria de calidade para as persoas sobrevivintes da brutalidade policial en Melilla. Esiximos ao Goberno español acelerar a identificación das víctimas, garantía de repatriación e reparación ás familias.

  20. Destrución agroindustrial: acapara terras, contamina augas, escraviza persoas, aniquila o medio rural vivo

    agroecoloxíaoubarbarie 22 de Xuño do 2022 · 

    Agroecoloxía ou barbarie. Como nos maltrata a agroindustria”, xornada no Centro de Interpretación de Belvís (Compostela). O GT de Migración e Traballo Rural da CEVC prepara dende Galiza unha campaña internacional contra a agroindustria

  21. O SLG coordina a elaboración dunha campaña europea contra a explotación agroindustrial

    Durante a rolda de prensa 21 de Xuño do 2022 · 

    Acción reivindicativa ás 17.45h. de hoxe, martes 21, nas instalacións de Surexport no Arneiro (Cospeito; Lugo). "Agroecoloxía ou barbarie. Como nos maltrata a agroindustria", xornada aberta, mañá no Centro de Interpretación (Belvís).

  22. Un grupo de traballo internacional convocado polo SLG analizará os abusos da agroindustria no medio rural

    agroecololoxiaoubarbarie 17 de Xuño do 2022 · 

    Compostela acollerá ao Grupo de Traballo de Migración e Traballo Rural da Coordenadora Europea Vía Campesina. Agroecoloxía ou barbarie. Como nos maltrata a agroindustria”, xornada aberta, mércores 22 no Centro de Interpretación (Belvís).

  23. “Agroecoloxía ou barbarie. Como nos maltrata a agroindustria”

    CEVC 17 de Xuño do 2022 · 

    O Sindicato Labrego Galego-Comisións Labregas acollerá dende o vindeiro martes 21 de xuño unha delegación internacional da Coordenadora Europea do movemento labrego mundial La Vía Campesina (CEVC), da que o SLG-CCLL forma parte.

  24. Demandamos compromiso institucional para declarar a Apicultura Patrimonio Inmaterial da Humanidade

    apiculturapatrimonio 19 de Maio do 2022 · 

    Rexistramos solicitude na Consellaría de Cultura, no marco dunha campaña estatal na que tamén nos diriximos ao Ministerio. Mañá, 20 de maio, é o Día Mundial da Apicultura, co que a ONU destaca o seu rol fundamental no mantemento da biodiversidade

  25. Centos de tractores esixen nas rúas de Xinzo medidas urxentes para salvar o sector agrogandeiro da comarca

    xinzotractorada250322 25 de Marzo do 2022 · 

    Unidade de acción para urxir a un cambio de modelo que poña fin á destrución das granxas e garanta a calidade dos alimentos. A Secretaria Xeral do SLG-CCLL animou a sumar forzas para acadar a Soberanía Alimentaria e a Soberanía Enerxética.

  26. Campaña para esixir a convocatoria inmediata do GABINETE DE CRISE da Xunta de Galicia

    gabinete de crise xa! 24 de Marzo do 2022 · 
    Hoxe procedeuse ao rexistro de solicitudes oficiais en Compostela, Ordes, A Estrada, Betanzos, Lugo, Chantada e Xinzo. Activamos en redes sociais a campaña #GabineteDeCriseXA! protagonizada pola afiliación do Sindicato Labrego Galego.
  27. Produtoras/es da Limia propoñen en Xinzo 20 medidas urxentes para salvar o sector agrogandeiro da comarca

    mani xinzo 22 de Marzo do 2022 · 

     Unidade de acción das organizacións agrarias e presentación de táboa reivindicativa conxunta ás administracións galega e estatal. Urxen a un cambio de modelo que poña fin á destrución das pequenas e medianas granxas e garanta alimentos de calidade.

  28. Esiximos ao Goberno central e galego atender as reivindicacións do transporte e garantir servizos mínimos

    SA xa 16 de Marzo do 2022 · 

    A chegada de penso para alimentación animal e a apertura dos matadoiros, urxente para evitar o colapso das granxas galegas. Opoñémonos a respostas curtopracistas que afondan inda máis no modelo capitalista que nos levou á grave situación actual.

  29. Apoio ás mobilizacións convocadas por MODEPEN para o sábado 12F

    mobilizacións MODEPEN 9 de Febreiro do 2022 · 

    As persoas xubiladas de todo o Estado español van volver saír á rúa o próximo sábado día 12 de febreiro. Na Galiza, o Movemento Galego en Defensa das Pensións e os Servizos Públicos (MODEPEN) ten convocado dúas manifestacións: unha no sur, en Cangas do Morrazo, e outra no norte, en Ribadeo.

  30. Apoio ás traballadoras do Servizo de Atención aos Fogares

    saf 17 de Decembro do 2021 · 

    O Sindicato Labrego Galego – Comisións Labregas estará este domingo 19 de decembro apoiando a manifestación convocada polas traballadoras do Servizo de Atención aos Fogares (SAF) ás 12h. con saída dende a Alameda de Santiago de Compostela.

     

  31. A Rede Galega STOP Eólicos (RGSE) sauda o informe sobre Enerxía Eólica e Paisaxes Culturais do Consello da Cultura Galega

    ConselloCulturaGAl 17 de Decembro do 2021 · 

    A principios do mes de marzo por iniciativa da Asociación Ambiental Petón do Lobo e colectivos da Rede Galega Stop Eólicos iniciouse esta petición de ditame dirixida ao Consello da Cultura Galega

  32. O SLG-CCLL reafírmase no seu X Congreso como unha ferramenta esencial de loita polos dereitos labregos e sociais

    IsabelVilalbaXCongreso 12 de Decembro do 2021 · 

    O Sindicato Labrego Galego-Comisións Labregas (SLG-CCLL) celebrou hoxe o seu X Congreso en Vilalba (Lugo) baixo o lema "Máis labregas, mellores alimentos. A vida das persoas e do planeta no centro". A gandeira de Lourenzá (Lugo), Isabel Vilalba Seivane, Secretaria Xeral dende o ano 2012, foi reelixida no seu cargo para o novo período.

  33. O SLG apoia a Folga Xeral comarcal na Mariña

    folga xeral mariña 17 de Novembro do 2021 · 

    O Sindicato Labrego Galego comparte as análises e a diagnose que levaron ás organizacións sindicais de clase CIG, CCOO e UGT a convocar a Folga Xeral comarcal do próximo 17 de novembro, en contra do abandono e a desatención por parte dos poderes públicos das reiteradas demandas da cidadanía mariñá na situación de crise industrial, económica e social que atravesa a comarca.

  34. MANIFESTACIÓN 13N Compostela: polo fin dos recortes nas pensións públicas e contra os Plans de Pensión Privados de Empresa

    MODEPEN 13N 10 de Novembro do 2021 · 

    O Sindicato Labrego Galego, integrante do Movemento Galego pola Defensa das Pensións e os Servizos Públicos (MODEPEN) participará na manifestación convocada para este sábado 13 de novembro ás 12h en Santiago de Compostela, mobilización que será levada adiante simultaneamente en numerosas capitais de todo o Estado.

  35. A Rede Galega Stop Eólicos declara a situación de emerxencia social ante a INVASIÓN EÓLICA do medio rural

    MapaInvasiónEólica 20 de Outubro do 2021 · 

    Dúas representantes da Rede Galega Stop Eólicos (RGSE), Margarida Prieto Ledo (SLG) e Bruno Centelles (SOS Groba e Instituto de Estudos Miñoráns ), denunciaron en rolda de prensa en Santiago de Compostela a situación de emerxencia social na que se atopa o noso país diante da invasión eólica da que está a ser obxecto o medio rural galego.

  36. Acadamos o compromiso do CGBS de informar sobre o novo modelo de residencias, SAAD e fondos Next Generation

    cgbs 19 de Outubro do 2021 · 

    Margarida Prieto Ledo, vogal do Consello Galego de Benestar Social (CGBS) en representación do Sindicato Labrego Galego, denunciou no pleno celebrado na mañá de hoxe a falta de transparencia deste órgano, que rexeitou xa en dúas ocasións atender solicitudes directas de información sobre cuestións como a Lei de Dependencia, o modelo de residencias ou a adxudicación de fondos europeos Next Generation. Logo de que a vogal do SLG reiterara estas solicitudes de información, o CGBS comprometeuse a tratar estes temas no pleno que terá lugar o vindeiro mes de novembro.

  37. O Sindicato Labrego Galego apoia a mobilización comarcal en demanda de “Futuro para a Mariña”

    manifestación a mariña 17 out 16 de Outubro do 2021 · 

    O Sindicato Labrego Galego apoia a manifestación do 17 de outubro en Viveiro convocada polas entrais sindicais de clase na que se vai demandar unha resposta das administracións públicas para frear  revertir a dinámica de retroceso económico e laboral que se vive na Mariña.

  38. A Xefatura Provincial de Lugo tira dun Decreto de 1986 para non atender as necesidades do transporte escolar rural

    ParadaActualCruce 19 de Agosto do 2021 · 

    Solicitamos á Consellaría de Infraestructuras e Mobilidade e á Xefatura Provincial de Lugo a atención inmediata á solicitude das familias das dúas únicas crianzas que collen o bus escolar no barrio de A Casanova – Noche (Terra Chá), que arestora teñen que facelo lonxe das súas casas nun cruce perigoso, malia a que o percorrido do bus pasa por diante das súas casas.

  39. 27 de xuño: Manifestación en defensa duns servizos públicos dignos de atención á dependencia na Galiza

    Plataforma Servizos Públicos Dependencia 21 de Xuño do 2021 · 

    O Sindicato Labrego Galego foi unha das organizacións constituíntes da nova Plataforma Galega polos Servizos Públicos de Dependencia (PGSPD) que, de cara a canalizar a demanda social que existe para este sector fundamental nos coidados de persoas maiores e dependentes, vén de convocar unha manifestación para o vindeiro domingo, 27 de xuño, en Compostela. De seguido, compartimos o manifesto de constitución da PGSPD.

  40. As últimas novidades sobre o proceso do X Congreso do SLG ou da Política Agraria Común no Fouce 334

    Portada Fouce 334 25 de Maio do 2021 · 

    Vimos de recibir o número 334 do Fouce, no que continuamos informando do proceso do X Congreso do SLG, con reportaxes sobre a Asemblea Xeral do Viño e do Congreso de Vacún de Carne. Ademais, publicamos toda a documentación sobre o Congreso do Leite, que se celebrará o vindeiro 11 de xuño no Pazo de Liñares, en Lalín (Pontevedra). Completamos con informacións sobre a avalancha eólica, a moratoria dos eucaliptos, as últimas xornadas de granxas abertas ou as denuncias sobre o machismo da PAC. E falando de Política Agraria Común, no Editorial adiantamos as últimas novidades que coñecemos na xuntanza co conselleiro de Medio Rural, o 21 de maio, que indican que o Ministerio de Agricultura está trampeando para volver argallar unha PAC do máis lesiva e discriminatoria para Galiza. Se xa queres ler o teu exemplar, descárgao na icona que atoparás no remate desta páxina.

  1. Comedor escolar

    O SLG anima a Xunta e concellos a apostar pola proximidade e calidade no menú dos comedores escolares

    20 de Novembro do 2015 · 

    Tralas polémicas xurdidas nas últimas semanas ao redor da mala calidade e escasa sostenibilidade dos servizos de cátering en comedores escolares, e tras quedar deserto o concurso para adxudicar o fornecemento da alimentación dos centros educativos de Compostela, dende o Sindicato Labrego Galego animamos ao Concello de Santiago e ao resto de institucións responsábeis destes servizos na Galiza, especialmente a Xunta, a traballar e conseguir un consenso para que os alimentos mercados pola administración ou por empresas contratadas por ela reúnan unha serie de requisitos como ser cociñados e estar producidos, na medida do posible, no entorno do centro onde se van consumir ou na Galiza; e con criterios de ecoloxía e sostenibilidade nos métodos de cultivo, na súa elaboración e transporte.

  2. Fouce 309

    As mobilizacións do sector lácteo a fondo no Fouce 309

    13 de Novembro do 2015 · 

    Tralas vacacións do verán e ben entrado o outono, temos un novo Fouce na rúa. Desta vez, e como non podía ser menos, boa parte do periódico vai dedicada á crise do sector lácteo e á campaña de mobilizacións que se viviron durante os meses estivais. Ademais, hai textos sobre a vendima, a caída de prezos noutros sectores gandeiros como o da carne de vacún ou o cunícola, a desigualdade no reparto das axudas da PAC, os progresos na redacción dunha Carta de Dereitos Labregos por parte da ONU, ou a chegada a terras galegas da Caravana Feminista organizada pola Marcha Mundial das Mulleres. Estas e outras moitas cuestións no Fouce 309, que podes descargar na icona que atoparás no remate desta páxina.

  3. Concello de Cospeito

    O Concello de Cospeito duplícalle o IBI a máis de 700 persoas propietarias de fincas da parcelaria de Goá

    19 de Outubro do 2015 · 

    O Sindicato Labrego Galego da Terra Chá vén de constatar a duplicidade no cobro do Imposto de Bens Inmobles (IBI) ás fincas da parroquia de Goá (Cospeito) que participaron dun proceso de concentración parcelaria finalizado en 2013, ano en que se escrituraron as parcelas. O caso é que o Concello de Cospeito, responsable desta taxa que cobra a través dos servizos recadatorios da Deputación de Lugo, vén de impoñerlle ás persoas propietarias das fincas, que son máis de 700, o IBI das novas parcelas concentradas e o das antigas fincas antes do proceso de concentración.

  4. Mocidade labrega

    Vilar de Santos acolleu o primeiro encontro da mocidade en clave de (Re) do Sindicato Labrego Galego

    16 de Outubro do 2015 · 

    O pasado 14 de outubro celebrouse en n'A Arca de Noé, en Vilar de Santos (Ourense), un encontro de labregos e labregas baixo o denominador común da súa mocidade e a intención de (Re)inventar a agricultura e o medio rural. Foi o primeiro dunha serie de encontros en clave de (Re) para pensar, dialogar e soñar de cara a transformar e construír, (Re)construír, a realidade.

  5. Convocatoria Xermade

    O SLG apoia as demandas da ANPA de Xermade e participará na concentración de denuncia deste mércores

    4 de Outubro do 2015 · 

    O Sindicato Labrego Galego quere expresar o seu apoio e solidariedade coas familias de Xermade que teñen nenos e nenas no centro escolar deste municipio lucense. Tal e como denunciou en reiteradas ocasións a asociación de pais e nais (ANPA), os nenos e nenas de Xermade, tralo recorte de catro profesionais no cadro de persoal da escola, quedaron nunhas condicións moi afastadas de ver cuberto o seu dereito á educación como si acontece con outros nenos e nenas de concellos da contorna. A redución do cadro de persoal do centro prodúcese, precisamente, nun ano no que aumentou o número de alumnos e alumnas con respecto ao curso pasado.

  6. Vacas en Vilar de Ousón

    O SLG denuncia a imposición de multas a rabaños de vacas en Becerreá que criminalizan a actividade gandeira

    25 de Septembro do 2015 · 

    Vilar de Ousón, na parroquia de Cruzul (Becerreá), ten unha soa pista de acceso. Por ela só circulan os vehículos que teñen as cinco familias que aínda viven na aldea, camiñan veciñas e veciños e transitan os rabaños de vacas das poucas granxas que aínda quedan en activo e que foi o medio de vida, xeración tras xeración, das familias que aquí moraron.

  7. Fouce 308

    A crise do sector lácteo, a fondo no Fouce 308

    14 de Xullo do 2015 · 

    A apertada axenda das últimas semanas fixo que esquecésemos nun caixón o último Fouce, o número 308, que se imprimiu o 6 de xullo. Así, cun pouquiño de atraso, compartimos con vós o noso voceiro que desta vez, como non pode ser menos, leva varias páxinas dedicadas ao sector lácteo. Ademais, atoparedes reportaxes en profundidade de Gandería Louzao e Granxas de Lousada, unha análise do desmantelamento da Consellaría de Medio Rural por parte do actual Goberno da Xunta, un texto de presentación da nova responsábel do sector de Horta -Belén Fervenza-, ou como está a impactar o colapso do Banco de Terras na xente moza que quere incorporarse á actividade agraria. Estes temas e moitos máis no Fouce 308. Para descargalo, preme AQUÍ

  8. Cabeceira Fouce 307

    A crise do sector lácteo e a fin do sistema de cotas no Fouce

    19 de Maio do 2015 · 

    O Fouce 307, como non podía ser doutro xeito, vén cargado de información referente ao sector lácteo e centrada en dous temas fundamentais: a crise de prezos e a fin do sistema de cotas. Ademais, tamén se dá conta de efemérides coma o 17 de abril ou o 8 de marzo, de eventos como a asemblea xeral da Coordinadora Europea da Vía Campesina ou o Encontro Anual da Secretaría das Mulleres do SLG e, como non, da actualidade de sectores produtivos como o da pataca, o cunícola, o apícola ou o de horta. E falando deste último, tamén adiantamos un resume do relatorio que se someterá a debate no Congreso de Horta, Froita e Flor do SLG, que se celebrará na parroquia de Tabeirós (A Estrada) o vindeiro 31 de maio. Todo isto e moito máis no Fouce 307. Podes descargalo AQUÍ ou na icona que atoparás no remate desta páxina.

  9. No rexistro

    1.500 sinaturas da veciñanza de Muimenta para defender o seu dereito a unha atención sanitaria digna

    22 de Abril do 2015 · 

    O 20 de abril, representantes de varios colectivos da Terra Chá presentaron no rexistro xeral da Xunta de Galicia en Lugo 1.500 sinaturas pedindo que se manteña operativo ao 100% o centro médico de Muimenta con 1 médico ou médica e 1 ATS no horario de atención habitual do que veu gozando nos últimos anos. A maiores, as persoas que asinaron denuncian a redución do horario de atención neste centro de saúde.

  10. Fouce 306

    O SLG publica o último Fouce antes de que desapareza o sistema de cotas e nun momento crucial para o sector lácteo

    2 de Marzo do 2015 · 

    O Fouce 306 chegará esta semana a miles de fogares do noso rural. Se ti tamén queres lelo, podes descargalo en pdf premendo AQUÍ ou na icona que hai ao final desta páxina. Ademais da actualidade do mundo agrario, neste número entrevistamos a Marcos Celeiro para afondar no conflito aberto por Cementos Cosmos en Triacastela; a Xulia Alonso, voceira da Plataforma Galega de Persoas Afectadas pola Hepatite C; e a Emilio Carral e Xoán Carlos Carreira, autores do libro “O pequeno é grande. A agricultura familiar como alternativa: o caso galego”.

  1. 1
  2. 2
  3. Seguinte