Outras: 2011
-
Non ás medidas de austeridade e aos recortes sociais propostas pola Unión Europea
27 de Septembro do 2011 ·O mércores 28 de setembro, o Parlamento Europeo votará sobre un infame e controvertido paquete de seis medidas lexislativas que pretenden ser a pedra angular dun novo modelo de goberno económico da Unión Europea en resposta á crise económica. As seis propostas lexislativas sobre o “goberno económico europeo” farán que a cidadanía pague, aínda máis, pola cobiza e o enriquecemento criminal da banca e das corporacións. O máis probable é que estas medidas prolonguen a crise, recorten os dereitos sociais, e exerzan un “golpe de estado” adicional á democracia. Por todo isto, defendemos que outras respostas á crise son necesarias.
-
O Fouce 288 xa está na rúa
14 de Septembro do 2011 ·O Fouce 288, correspondente aos meses de verán, vén de saír do prelo. A reforma da Constitución, a desaparición da Consellaría de Medio Rural fronte a problemas como a seca ou os impagos de Lácteos Tambre, o mercado e a nova web de alimentos labregos, as alegacións contra o canon da auga, a defensa dos intereses de viticultores e viticultoras na vendima ou o Foro Europeo de Soberanía Alimentaria celebrado en Krems, son só algúns dos temas que ocupan as súas páxinas.
-
O SLG reuniuse co BNG na súa rolda de contactos para rematar cos abusos das industrias e das distribuidoras na cadea comercial dos produtos agrarios
5 de Septembro do 2011 ·A secretaria xeral do Sindicato Labrego Galego, Carme Freire, acompañada de Xosé Manuel Calvo Rei, membro da Executiva desta organización agraria; reuníronse, o 5 de setembro, coa deputada polo BNG no Congreso, Olaia Fernández Dávila, para falar da Lei de Funcionamento da Cadea Alimentaria.
-
O SLG comeza co PP a súa rolda de contactos para rematar cos abusos das industrias e das distribuidoras na cadea comercial dos produtos agrarios
1 de Septembro do 2011 ·A secretaria xeral do Sindicato Labrego Galego, Carme Freire, acompañada de Xosé Manuel Calvo Rei, membro da Executiva desta organización agraria; reuníronse, o 1 de setembro, con Isabel García Pacín (voceira de Medio Rural do grupo popular no Parlamento de Galicia) e Olga Iglesias (voceira de Medio Rural polo PPdeG nas Cortes), para falar da futura Lei de Funcionamento da Cadea Alimentaria que, en breve, se debaterá nas Cortes Xerais.
-
A IX Romaría “por un mundo rural vivo” nas Encrobas serviu para destacar o papel fundamental das mulleres nas loitas labregas
31 de Agosto do 2011 ·Máis de medio cento de afiliados e afiliadas do Sindicato Labrego Galego reuníronse hoxe, 31 de agosto, no entorno da igrexa de Pontoxo, na parroquia das Encrobas (Cerceda), para celebrar a novena edición da Romaría “por un mundo rural vivo”, que organiza todos os anos o centro sindical da comarca de Ordes.
-
O Sindicato Labrego Galego en contra dunha reforma da Constitución que suporá o desmantelamento dos poucos servizos públicos que quedan no medio rural
30 de Agosto do 2011 ·O Sindicato Labrego Galego manifesta a súa oposición ao acordo acadado entre o PSOE e o PP para limitar, desde a Constitución Española, o déficit e a débeda pública, tanto polo contido como polas formas en que o fixeron.
-
A Consellaría de Medio Rural deixa desamparadas ás explotacións agrogandeiras galegas diante dunha das peores secas dos últimos anos
19 de Agosto do 2011 ·A mediados de xullo, o Sindicato Labrego Galego erguía a voz de alarma diante do tremendo impacto que a seca dos últimos meses está a ter nas explotacións agrogandeiras galegas. Daquela, o SLG reclamaba da Consellaría de Medio Rural a creación dunha liña de axudas directas destinadas a paliar as perdas producidas pola seca nos diversos sectores de maneira inmediata.
-
Lidia Senra participará no curso de verán da USC “Cincuenta anos de sindicalismo agrario en España: da ditadura á democracia (1936-1986)”
12 de Agosto do 2011 ·Entre os vindeiros 8 e 10 de setembro, celebrarase no Recinto Feiral “Terra do Queixo” (Multiusos) do Concello de Arzúa (A Coruña) o curso de verán: Cincuenta anos de sindicalismo agrario en España: da ditadura á democracia (1936 – 1986), organizado pola Vicerreitoría de Extensión Universitaria, Cultura e Sociedade da Universidade de Santiago de Compostela e polo Grupo de Investigación HISTAGRA: Historia Agraria e Política do Mundo Rural. Séculos XIX e XX. Entre outras persoas, participará no curso Lidia Senra Rodríguez, secretaria xeral do SLG entre 1989 e 2007 e actual secretaria de organización.
-
A seca dispara os gastos nas explotacións de vacún e ameaza as colleitas de pataca e cebola en Galiza
13 de Xullo do 2011 ·Ao incremento continuado dos custes que están a sufrir as explotacións agrogandeiras de toda Galiza (butano, gasóleo, electricidade, pensos, abonos, etcétera) vanse unir este verán as perdas provocadas pola seca. O mes de xuño resultou ser un dos máis secos da década, con rexistros como os das estacións meteorolóxicas de Lugo, con 1'8 litros/m² en 2011 fronte aos 123'8 litros/m² do 2010; de Verín, con 4'2 litros/m² en 2011 fronte aos 90'5 litros/m² do 2010; ou Mabegondo (A Coruña), con 12'6 litros/m² en 2011 fronte aos 117 litros/m² do 2010).
-
Reacción ante o peche de Galicia Hoxe: O SLG expresa a súa indignación pola teima da Xunta en amordazar a parte da sociedade galega e pola brutal agresión á nosa lingua
29 de Xuño do 2011 ·O Sindicato Labrego Galego quere expresar a súa indignación diante do peche do xornal Galicia Hoxe, que seguirá o ronsel deixado por outros medios de expresión integramente redactados en galego e cunha liña editorial alternativa á oficial como A Nosa Terra, Vieiros, A Peneira ou GZ Nación. Todos eles botaron o peche nos primeiros anos de mandato de Núñez Feijóo á fronte da Xunta de Galiza.
Sindicato Labrego Galego © 2008
Subvencionado pola Presidencia da Xunta de Galicia. Secretaría Xeral de Política Lingüística
