A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Outras>
  4. O segundo Fouce da Era Covid vén de saír do prelo!

O segundo Fouce da Era Covid vén de saír do prelo!

16 de Novembro do 2020

Fouce 331

O Fouce331 vén de saír do prelo ateigado de temas interesantes: Reportaxes sobre o impacto da Covid 19 no sector vinícola e nos mercados labregos, a nova falcatruada da Consellaría de Medio Rural ao excluír máis de 10.000 granxas das axudas para paliar os impactos da pandemia, a campaña do SLG para acadar unha Política Agraria Común que recoñeza a singularidade da Galiza agraria ou os millóns de euros de fondos europeos que perigan por non xestionarse dende a Xunta.

Tamén publicamos un completo editorial sobre o impacto do coñecido como o decreto dos xurros baixo o suxestivo título de “O negocio da merda”, a crónica do diálogo compartido co director de cinema Oliver Laxe na VI Xornada de Granxas Abertas, a análise dunha novamente desastrosa campaña de extinción de lumes e unha interesante entrevista na contraportada ao labrego Santi Rodríguez Cid. Isto e moito máis no Fouce 331. Non agardedes máis e descargádeo na icona que atoparedes no remate desta páxina.

Portada Fouce 311

Ficheiro adxunto