A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Política Agraria>
  4. Cincuenta organizacións "plántanse" en Córdoba fronte aos ministros/as europeos de Agricultura para reclamar outro modelo agroalimentario

Cincuenta organizacións "plántanse" en Córdoba fronte aos ministros/as europeos de Agricultura para reclamar outro modelo agroalimentario

4 de Septembro do 2023

Córdoba

Organizacións da CEVC, entre as que se atopa o SLG-CCLL, visibilízanse durante o cumio de ministros/as de agricultura da UE do 3 ao 5 de setembro

Máis de cen persoas concentráronse onte pola tarde en Córdoba para reivindicar un modelo alimentario máis xusto, sostible e respectuoso para o mundo rural con motivo do cumio de ministras e ministros de Agricultura da UE, que está a ter lugar do 3 ao 5 de setembro.

Pola noite, 50 activistas puxeron mensaxes de protesta na iluminación da Ponte Romana e proxectaron unha pancarta nos muros da Mezquita de Córdoba. Ademais, ao longo da fin de semana anterior, persoas chegadas de todo o Estado, entre as que se atopan as compañeiras do Sindicato Labrego Galego-Comisións Labregas (SLG-CCLL) Sonia Vidal, como membro do Comité de Coordinación da Coordenadora Europea Vía Campesina (CEVC), Brais Álvarez e Pepe Ramón Cendán, mantiveron unha reunión en Hornachuelos (Córdoba) para tratar solucións ao modelo agroalimentario.

Máis dun centenar de persoas pertencentes a máis de 50 organizacións sociais, ecoloxistas, de consumo e agrarias concentráronse onte pola tarde na Praza do Arco da ponte de Córdoba durante a visita que os ministros de Agricultura da Unión Europea realizaron á mesquita da cidade, reclamar un sistema alimentario máis xusto, sostible e respectuoso para o mundo rural.

 Ao remate da concentración, 50 activistas modificaron a iluminación da ponte romana da cidade con plantillas en forma de froitas e verduras e proxectaron unha pancarta nos muros da Mezquita, para reclamar cambios cara a un modelo agroalimentario xusto e sostible. Con esta acción simbólica, os colectivos pretenden transmitir a necesidade de actuar con urxencia para que se produza un cambio radical no modelo agroalimentario.

No actual contexto de crise climática global e ecolóxica, o modelo agroalimentario industrializado e globalizado, baseado na explotación da natureza e das persoas, demostrou a súa vulnerabilidade, por exemplo, ante perturbacións como a pandemia de COVID-19, a guerra de Ucraína ou secas prolongadas.

Por iso, as organizacións congregadas en Córdoba reclamaron que as políticas europeas se dirixan cara á agroecoloxía, a soberanía alimentaria e o feminismo como únicas alternativas capaces de alimentar á poboación de forma saudable, socialmente xusta e respectuosa co medio ambiente. Así mesmo, pediron aos ministros da UE que empreguen todos os medios ao seu alcance para garantir que a transición en curso sexa xusta para as persoas e o planeta, garantindo o futuro do rural e da súa xente.

Os dirixentes atópanse en Córdoba para manter un encontro informal baixo o título "Novas tecnoloxías para unha agricultura máis sostible e resiliente", polo que os asistentes á concentración aproveitaron o acto para reclamar que se poñan en marcha políticas públicas que avancen cara a un modelo agrario de alimentos baseados na agroecoloxía e na soberanía alimentaria e que se deixen de lado as falsas solucións.

Así, os manifestantes portaban pancartas con mensaxes como "Nós defendemos un modelo agroalimentario xusto e sostible", "Pare ao glifosato" ou "Agroecoloxía para arrefriar o planeta". Ademais, a concentración incluíu unha batucada e coreáronse frases pedindo respecto polo mundo rural.

Os colectivos quixeron trasladar aos ministros e ministras a necesidade de apoiar as pequenas e medianas explotacións, cunha xestión agroecolóxica que sustente un mundo rural vivo. A industria e a distribución deben garantir prezos xustos, tanto para quen produce como para quen consume, para o que é fundamental o apoio ás canles curtas de comercialización e ás normativas públicas e infraestruturas de transformación agroalimentaria a pequena e mediana escala.

Ante a actual emerxencia climática e da biodiversidade, as organizacións reclaman tamén políticas públicas en defensa do territorio fronte a macroproxectos, como determinados megaparques de produción de enerxías renovables, monocultivos a gran escala ou gandería industrial, que afectan ás poboacións rurais e que menoscaban o funcionamento dos ecosistemas, do solo, da auga, da biodiversidade e do conxunto de servizos ecosistémicos que xeran. Ao mesmo tempo, manifestan a urxencia de acabar coa precariedade laboral do sistema agroalimentario industrializado, que afecta especialmente aos emigrantes e ás mulleres e que supón unha lacra para a dignidade do rural.

 

Outras mobilizacións

Ademais da concentración de onte pola tarde, entre o 31 de agosto e o 3 de setembro, tivo lugar un encontro pola soberanía alimentaria, celebrado en Hornachuelos (Córdoba), no que participaron máis de 150 persoas de organizacións de todo o territorio español. Neste debateuse os problemas e alternativas ao modelo agroalimentario e acordouse unha folla de ruta para seguir impulsando as súas reivindicacións conxuntas.

Entre outras actividades, celebráronse mesas de debate sobre o modelo agroindustrial e a súa contribución á crise climática, así como a confluencia das loitas territoriais co movemento pola soberanía alimentaria. A conferencia serviu como punto de encontro de persoas vinculadas ao movemento alimentario, ao movemento climático, organizacións campesiñas, consumidores, científicos, poboación rural e movemento ecoloxista, incluíndo unha representación do caso francés cos Levantamientos da Terra e a Confederación Paysanne, que foi uníronse na defensa do territorio e dun mundo rural vivo.

 



 

Organizacións asinantes:

 

Adecasal (Asociación de Desarrollo para el Campo de Salamanca y Ledesma)

 

Amigos de la Tierra

 

APAEMA (Associació de la Producció Agrària Ecològica de Mallorca)

 

Canto de Pájaros

 

Carro de Combate

 

CECU (Federación de Consumidores y Usuarios CECU)

 

Cerai

 

COAG

 

Coordinadora Estatal STOP Ganadería Industrial

 

Ecologistas en Acción

 

Ecomercado de Córdoba

 

El Enjambre sin Reina

 

El Verdadero Precio de los Alimentos Mediterráneos

 

Entre Pueblos

 

Escuela de Activismo

 

Espigoladors

 

Extinction Rebellion Málaga

 

Fundación Entre Tantos

 

Greenpeace

 

ISEC - Instituto de Sociología y Estudios Campesinos

 

Justicia Alimentaria

 

Juventud por el Clima

 

La Acequia

 

Labs

 

La Jabonería de la Almendra

 

La Rendija Mercado Social

 

Las Delicias del Palacio del Deán

 

Lo Que Somos

 

Mad África

 

Madrid Agroecológico

 

Mundubat

 

Observatorio para una Cultura del Territorio

 

OSALA (Observatorio de Soberanía Alimentaria y Agroecología)

 

Coalición Por Otra PAC

 

Pueblos Vivos Cuenca

 

RAC (Red Agroecológica de Cádiz)

 

REAS Red de Redes

 

REAS Navarra/Nafarroa

 

Red Andaluza Semillas Cultivando Biodiversidad

 

Revista Soberanía Alimentaria

 

Ripess (Red Intercontinental de promoción de la Economía Social Solidaria)

 

Rosa Luxemburg StifTung

 

SAT (Sindicato Andaluz de Trabajadores)

 

SEAE (Sociedad Española de Agricultura Ecológica y Agroecología)

 

SEO/BirdLife

 

Sindicato Labrego Galego

 

Supermercados Cooperativos

 

Ultreia Films

 

Universidad Rural Paulo Freire, Sierra de Huelva

 

Vivir la Tierra

 

Volem Fruita amb Justicia Social

 

WWF