A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Pequenas explotacións

Pequenas explotacións

  1. Fernando Fernández

    O decreto para adaptar as normas hixiénico-sanitarias ás producións labregas no Estado leva paralizado dez anos

    5 de Xullo do 2019 · 

    O SLG vén de poñer en marcha o obradoiro europeo Transformación alimentaria e producións labregas: Superando as barreiras de xeito colectivo, que se desenvolverá os días 5 e 6 de xullo en Compostela. O obxectivo deste evento, que se inscribe na axenda de actividades do Proxecto BOND (Bringing Organisations & Network Development to higer levels in the Farming sector in Europe www.bondproject.eu) será tratar a fondo a problemática xerada pola estrita normativa que regula as producións alimentarias artesanais a nivel comunitario, estatal e autonómico.

  2. Conservas artesanais

    O SLG acolle un obradoiro para abordar os problemas xerados pola normativa nas producións artesanais

    4 de Xullo do 2019 · 

    O Sindicato Labrego Galego oficiará, os días 5 e 6 de xullo, como organización anfitrioa dun obradoiro europeo no que se tratará a problemática xerada pola estrita normativa estatal, deseñada para grandes industrias, que deixa nunha situación de alegalidade moitas producións alimentarias artesanais que supoñen un importante complemento económico para moitas granxas.

  3. Venda directa

    Medio Rural debe facer unha campaña informativa para rematar coa confusión xerada polo decreto da venda directa

    16 de Outubro do 2014 · 

    No Sindicato Labrego Galego estivemos a analizar nas últimas semanas, xunto con produtores e produtoras que venden sen intermediarios, o Decreto 125/2014 que regula a venda directa de produtos primarios dende as explotacións en Galicia, publicado pola Consellaría de Medio Rural no DOG do pasado 30 de setembro.

  4. Venda directa

    O SLG analizará con labregos e labregas o novo decreto que regula a venda directa de alimentos na Galiza

    10 de Outubro do 2014 · 

    O Sindicato Labrego Galego vén de convocar unha asemblea aberta con agricultores e agricultoras que practican a venda directa na comarca de Compostela. O motivo do encontro é analizar o Decreto 125/2014 que regula a venda directa de produtos primarios dende as explotacións na Galiza, publicado pola Xunta no DOG o pasado 30 de setembro, e que está a crear confusión no sector debido aos moitos rumores provocados pola difusión de novas erróneas e contraditorias ao respecto, situación fomentada pola falta de información sobre este tema dende a Consellaría de Medio Rural.

  5. Entroido no Mercado de Teo

    O Mercado de Alimento Labrego de Teo celebra este sábado, 1 de marzo, a Festa do Entroido

    26 de Febreiro do 2014 · 

    Os compañeiros e compañeiras que dan vida ao Mercado de Alimento Labrego de Teo cada sábado, teñen preparada unha xornada especial para o 1 de marzo, coincidindo coa celebración do entroido, Premios, disfraces e petiscos na cantina, cos doces e manxares propios desta época do ano, dará cor e sabor a esta feira nos arrabaldes composteláns. De seguido, compartimos con vós a invitación que nos fixeron chegar:

  6. Leandro

    8 de xuño: Festa do primeiro aniversario do Mercado do Alimento Labrego nos Tilos

    6 de Xuño do 2013 · 

    O Mercado do Alimento Labrego dos Tilos cumpriu o seu primeiro aniversario. Para celebralo, fíxose unha festa o pasado sábado, 8 de xuño. Amais dos produtos locais, houbo alimentos doutras comarcas invitadas, artesanía, música tradicional e petiscos na taberna. De seguido, lembramos a invitación que fixeron os labregos e labregas que dan vida a este mercardo para convidar a compartir a celebración: 

  7. Cestería Teo

    Hortalizas de inverno e doces de entroido para celebrar a don Carnal no Mercado do Alimento Labrego de Teo

    9 de Febreiro do 2013 · 

    O Mercado de Alimento Labrego de Teo tamén se viu contaxiado polo espírito festivo destas datas e celebrou ao seu xeito o entroido. Como xa acontecera coa Festa do Inverno, aos 17 postos de alimentos acompañaron 7 de artesanía. Mentres que nos primeiros puidemos atopar hortalizas de inverno como grelos, nabizas, porros, brócoli, etcétera, ademais doutros produtos como ovos, mel, queixos, leite ou froitos; os segundos complementaron a oferta con mostras de cestería, xabóns, ourivería ou velas aromáticas.

  8. Mercado de Teo

    O Mercado do Alimento Labrego de Teo consolídase coa Festa de Inverno tras medio ano de andaina

    22 de Decembro do 2012 · 

    A pesares da intensa choiva, unhas trescentas persoas pasaron ao longo da mañá do 22 de decembro polo Mercado do Alimento Labrego dos Tilos, en Teo. Nesta ocasión, e con motivo da Festa do Inverno, aos vinte postos onde se podían mercar todo tipo de produtos da terra (hortalizas e froita de tempada, ovos, queixos, leite, marmeladas e conservas, viños e licores, doces, etcétera), uníronse oito de artesanía onde se podían atopar dende cestos e xabóns feitos a man até olería de Buño. Para animar o ambiente estiveron os músicos e músicas da Requinta Follas Novas.

  9. Tomates

    O mercado de alimentos labregos de Teo celebrará este sábado unha cata comentada de tomates

    13 de Septembro do 2012 · 

    O Sindicato Labrego Galego e o Concello de Teo, no marco do mercado de alimentos labregos dos Tilos, vai celebrar este sábado, 15 de setembro, unha cata de tomates de diversas variedades cultivadas no entorno da bisbarra compostelá. 

  10. Compravenda labrega

    O mercado semanal do alimento labrego en Teo bota a andar coa asistencia de máis de cincocentas persoas

    9 de Xuño do 2012 · 

    A pesar da choiva, o mercado do alimento labrego dos Tilos (Teo), organizado polo SLG e polo concello, foi todo un éxito. Ao redor de medio milleiro de persoas achegáronse até para mercar alimentos de tempada producidos por explotacións da bisbarra. En total, houbo quince postos de venda onde se puideron atopar dende hortalizas frescas até produtos elaborados como marmeladas, rosquillas, viños e licores. Ademais, ás 13:00 horas tamén se sorteou unha cesta elaborada con alimentos de cada posto.

Arquivo